آمریکا و چین یئنی‌دن هئچ کیمین ایستمه‌دیی تجارت محاربه‌سینه دوغرو سرعتله ایرلیله‌ییرلر. بیر نئچه آیلیق فاصله‌دن سونرا قارشی‌لیقلی تعرفه‌لر و اخراج محدودیتلری یئنی‌دن هر ایکی اؤلکه‌نین اقتصادیاتینا ضرر وورماق و گلوبال اقتصادی آرتیمی پوزماق تهلوکه‌سی یارادیر.

Axar.az خبر وئریر کی، بو باره‌ده «واشینگتن پست» نشری یازیب.

«چین آغ ائوی گؤزله‌نیلمه‌دن یاخالادی – او، نوتبوکلاردان و الکتروموبیللردن توتموش آمریکا قیریجیلارینا، سوالتی قاییقلارینا و راکتلرینه قدر هر شی اوچون واجب اولان نادر تورپاق مینراللاری و ماگنیتلرین اخراجینا گئنیش‌مقیاسلی یئنی محدودیتلر تطبیق ائتدیینی اعلان ائتدی. پکین اوللر سرت اخراج محدودیتلری تطبیق ائدیله‌ن یئددی المنته علاوه اولاراق داها بئش یئنی المنتی بو سیاهییا داخل ائتدی.

آمریکا پرزیدنتی دونالد ترامپ جواب اولاراق چین ماللارینا ۱۰۰ فایزلیک یئنی تعرفه‌لر تطبیق ائدیلجیینی، همچنین چینه حیاتی اهمیتلی تخنولوگییالارین اخراجینا دایر یئنی محدودیتلر گتیریله‌جیینی اعلان ائتدی. ترامپ همچنین آیین سونون‌دا جنوبی کورئیادا کئچیریله‌جک آسییا لیدرلرینین ساممیتینده چین لیدری سی سزینپینله پلانلاشدیریلمیش گؤروشو لغو ائتمکله هده‌له‌دی.

بو گؤروش گلن ایلین اولینده باش توتاجاق گئنیش‌مقیاسلی ساممیته زمین حاضرلامالی ایدی. بونونلا بئله، هر ایکی طرف اؤزلرینه مانور اوچون زمان ساخلاییبلار: چین یئنی محدودیتلرین قوه‌یه مینمه‌سینی ۱ دکابرادک، ترامپ ایسه جواب تدبیرلرینین تطبیقینی ۱ نویابرادک تاخیره سالیب. بو ایسه، مطبوعاتلارین یازدیغینا گؤره، دنیانین ایکی ان بؤیوک اقتصادیاتینین اساساً دانیشیقلاردا مؤقعلرینی گوجله‌ندیرمک اوچون هده‌لر و اولتیماتوملار واسطه‌سیله سرت مؤقع نماییش ائتدیردیکلرینی گؤستریر»، - نشر قید ائدیب.