مالتانین پایتاختی والتا "اوخوجو سئچیمی مکافاتلاری ۲۰۲۵" ریتینگین‌ده پاریس، آفینا و لیسابون کیمی توریزم نهنگلرینی گئریده قویاراق بیرینجی یئری توتوب.

Axar.az خبر وئریر کی، شهر "Condé Nast Traveller" ژورنالی طرفیندن دنیانین ان گؤزل پایتاختی سئچیلیب.

ژورنالین ۱۸۲ مین‌دن چوخ اوخوجوسو سس وئره‌رک شهرین مدنیتینی، مطبخینی و قوناقپرورلیینی یوکسک قیمتلندیریب.

والتا ۱۰۰ بال‌دان ۹۷،۳۳ بال توپلاییب. ساحه‌سی بیر کوادرات کیلومتردن آز اولان شهر باروکو اوسلوبون‌داکی سارایلاری، قدیم استحکاملاری، کلیسه‌لری و دار کوچه‌لری ایله اصل آچیق سما آلتین‌دا موزئیدیر. والتا ۱۶-جی عصرده مالتا جنگاورلری طرفیندن قورولوب و ۱۹۸۰-جی ایلدن یونسکو-نون عموم‌دنیا ارث سیاهی‌سینا داخل ائدیلیب.