روسیا اردوسو اوکتیابرین ۲۶-نا کئچه‌ن گئجه اوکراینانین پایتاختی کیئوه نوبتی دفعه هوا هجومو ائدیب.

Axar.az خبر وئریر کی، گئجه ساعتلارین‌دا هوا هجومون‌دان مدافعه سیستمی ایشه دوشوب، پارتلاییش سسلری ائشیدیلیب. ضررسیزلشدیریله‌ن درونلار کیئوین بعضی یاشاییش بنالارین‌دا یانغینا سبب اولوب.

کیئو شهر مری ویتالی کلیچکو هوا هجومو نتیجه‌سینده ایلکین معلوماتا گؤره، ۳ نفرین اؤلدویونو، ۲۹ نفرین یارالاندیغینی دئییب. خسارت آلانلارین ۳-او اوشاق‌دیر.

اونون سؤزلرینه گؤره، ضررسیزلشدیریله‌ن درون پایتاختین دسنیانسک رایونون‌دا دوققوزمرتبه‌لی بنانین ایکینجی مرتبه‌سینه دوشوب. بیر نئچه منزل یانیب، یانغین دؤردونجو و یئددینجی مرتبه‌لرده‌کی ائیوانلارا کئچیب. آرتیق یانغین سؤندورولوب.

دیگر عنوان‌دا یئرلشه‌ن دوققوزمرتبه‌لی یاشاییش بناسین‌دا منزللرین پنجره و قاپیلاری، آلتینجی و سککیزینجی مرتبه‌لرین فاسادی و تاوانی قسما زدلنیب. بئش نفر خلاص ائدیلیب.

درونون قالیقلاری همچنین اوبولون رایونون‌دا ۱۶ مرتبه‌لی یاشاییش بناسینین اوزرینه دوشوب. بیر منزیله زیان دییب. یانغین و یا کونستروکسییایا زیان دیمه‌ییب.