ایران پارلامئتینین عضوو کامران غضنفری قوراقلیق و سو چاتیشمازلیغینا گؤره ایران پرزیدنتی مسعود پزشکیانی گناهلاندیریب.

Axar.az خبر وئریر کی، بو حاقدا ایران مئداسی معلومات یاییب.

او، حجابسیزلیغین سو چاتیشمازلیغینین عامللریندن بیری اولدوغونو ادعا ائدیب:

"تانرینین تعلیماتلارینا قارشی چیخماق، پرزیدنتین آچیق-آشکار حجابسیزلیغیا قارشی مبایزه ایله مخالفت ائتمه‌سی، اؤلکه‌ده فاحشه‌لیین یاییلماسینا و یاغینتیلارین آزالماسینا سبب اولور".

ملت وکیلی انسانلارین حجاب و باشقا تعلیماتلارا عمل ائتمه‌لری تقدیرده یاغینتیلارین آرتاجاغینی، سو پروبلئمینین حل اولوناجاغینی بیلدیریب.

سو چاتیشمازلیغینا گؤره، مسعود پزشکیانی گناهلاندیران کامران غضنفری پروبلئمین کؤکونون اوندا اولدوغونو ادعا ائدیب و پرزیدنتی توتدوغو یولدان قاییتماغا چاغیریب:

"عفت و حجاب قانونلارینا قارشی چیخدیغینیز اوچون بو ایل اؤلکه داخیلینده فساد و فاحشه‌لیین یاییلماسینا سبب اولدونوز. جناب پرزیدنت، دوشونمورسونوزمو کی، اوجا الله دا فسادین یاییلماسی سببیندن نعمتلرینی آزالدیر؟ اونا گؤره ده، پزشکیان، یاغیشین آزالماسینین کؤکونو اؤز عمللرینیزده، بو ایل جمعیت‌ده یایدیغینیز گناهلاردا گؤرون".