زنگوردا مؤقعلره قالخان ارمنی حربچیلری بعضی پوستلاردا آذربایجانلیلار طرفیندن یوخلانیلیر.

Axar.az خبر وئریر کی، بونو ارمنستانین «هایاکو» بیرلیینین شورا عضوو، ارمنی سیاسی خادم آوتیک کروبیان دئییب.

«فاکتلار وار، همین مؤقعلرین یئرلرینی ده بیلیرم. بیزیم عسگرلر آذربایجان اوردوسونون نماینده‌لری طرفیندن یوخلانیلدیقدان سونرا پوستلارا بوراخیلیرلار. آذربایجان‌لیلار ایکی گونلوک ارزاقدان و ایکی داراقدان آرتیق سورسات کئچیرمه‌یه اجازه وئرمیرلر. نوبه‌نی عوض ائد‌جک عسگر گلنه قدر همین مؤقع‌ده دورانلاری بوراخمیرلار. تکرار ائدیره‌م: ارمنستان سلاحلی قوه‌لرینین نظارتینده اولان دؤیوش مؤقعلرینده آذربایجانلیلار ارمنی عسگرلرینی یوخلاییر و یالنیز بوندان سونرا یوخاری قالخماغا اجازه وئریرلر. همین اوشاقلاری گیروو کیمی ساخلاییرلار»، - کئروبیان بیلدیریب.
اونون سؤزلرینه گؤره، هم ارمنستان مدافعه ناظرلییی، هم ده باش قرارگاه مسئله‌دن چوخ یاخشی خبرداردیر.

«صحبت زنگزور ویلایتینده‌کی قاراگؤل اراضی‌سینده ارمنستانین نظارتینده اولان مؤقعلردن گئدیر. اوزوجودور، اما دؤیوش باشلاسا، بیزیم اوشاقلار اسیر دوشه‌جک، یا دا داها پیس اولاجاق. اورادا بیزیم حربچیلر آلچالدیجی وضعیتدن کئچیر و بو باره‌ده مدافعه ناظرلییی بیلیر. آذربایجانلیلار عسگرلریمیزی حتی جیبلرینه‌دک یوخلاییرلار»، - دئیه کروبیان وورغولاییب.