گونئی آذربایجانین تانینمیش آشیقلاریندان و اورمیا آشیق مکتبینین اوستادلاریندان اولان آشیق محمد حسین دهقان ایران‌دا آذربایجان دیلی، مدنیتی و آشیق صنعتینین قورونوب ساخلانیلماسی، انکشافی ساحه‌سین‌ده خصوصی رول اوینایان صنعتچی اولوب.

Kult.az خبر وئریر کی، قوجامان آشیق ۱۹۳۴-جو ایلده غربی آذربایجان ایالتینین اورمییا محالین‌دا اولان ایقدیر کندینده آنادان اولوب.

۸ یاشیندان سازدا ایفا ائیتمه‌یه باشلایان آشیق دهقان، آذربایجان موسیقی صحنه‌سین‌ده تانینمیش صنعتکار و اورمیا آشیق مکتبینین اوستادلاری آشیق درویش وهاب‌زاده، آشیق فرهاد سلیمی، آشیق یوسیف اوهانس و آشیق آسلان طالبی کیمی صنعت‌چیله‌له یاناشی، آذربایجانین اوریژینال و پوپولیار موسیقی‌سینین قورونماسین‌دا و یاییلماسیندا مهم رول اویناییب.

او، ۱۶ یاشین‌دان مجلسلرده، مراسیملرده آشیق کیمی چیخیش ائدیب، قوشما، گرایلی، تجنیس، دیوان و بعضی. سپکلرده شعیرلر یازیب، اؤز شعیرلرینه موسیقی بسته‌له‌ییب.

آشیق دهقان چوخسایلی یئرلی و خاریجی فستیواللاردا اشتراک ائد‌ن و اکثریتینده فخری آدلار قازانان آزسایلی صنعتکارلاردان بیری اولوب. بیر دفعه ایران پرزیدنتی، ۲۵ دفعه ایسه مختلف دورلرده‌کی ارشاد و مدنیت ناظرلریندن تقدیرنامه‌لر آلان آشیق دهقان، دنیا آشیقلاری آراسیندا کئچیریلن بین‌الخالق فستیواللاردا ۳ دفعه بیرینجی یئری توتوب.

همچینین عالی تحصیلینین اولماسینا باخمایاراق، خصوصی یارادیجی‌لیغینا گؤره آذربایجان رسپوبلیکاسیندان آشیق صنعتی اوزره فخری دیپلم و دوکتورلوق درجه‌سی آلان اورمیالی صنعت‌چی باکی و آنکارا شهرلرینده بیر چوخ پروگراملار حیاتا کئچیریب.

۲۴ ایل غربی آذربایجان ایالتینین یئرلی رادیو و تلویزیاسی ایله امکداشلیق ائد‌ن آشیق محمد حسین دهقان، خصوصی استعدادی، یارادیجی‌لیغی و موسیقی ساحه‌سین‌ده‌کی امیینه گؤره ایرانین ۴۲ ان مشهور اینجه‌صنعت خادمی و موسیقی‌چی‌سی سیاهیسینا سالینیب.

اورمیالی آشیق آذربایجان رسپوبلیکاسی، آلمانیا، فرانسا، چین، تورکیه، ایسوچ، بیرلشمیش عرب امیرلیکلری و لاتین آمریکاسی اؤلکه‌لرین‌ده کئچیریلن بین‌الخالق مدنی و اینجه‌صنعت فستیواللاریندا اورمییا آشیق مکتبینی تمثیل ائدیب، ۱۰ دفعه مختلف آشیق صنعتی مسابقه‌لرینده منصیف کیمی چیخیش ائدیب.

۱۹۹۵-جی ایلده محمد رضا مقدسیانین رژیسورلوغو ایله آذربایجان‌لی صنعتچینین حیات و یارادیجیلیغیندان بحث ائد‌ن "آشیق محمد حسین دهقان" سندلی فیلمی چکیلیب.

۲۰۲۵-جی ایلین فئورال آیین‌دا ایسه اونون مشهور آشیغین ۹۰ ایللیک یوبلیی مناسبتیله شهر بلدیه‌سینین تشببوسو ایله اونون اورمیا شهرین‌ده یاشادیغی کوچه "آشیق دهقان" کوچه‌سی آدلاندیریلیب.

آذربایجان مدنی جغرافیاسین‌دا آشیق مکتبی و صنعتینین سیمووللارین‌دان بیرینه چئوریلن آشیق محمد حسین دهقان، نیابرین ۲۲-ی سحر ساعتلاریندا دنیاسینی دییشیب.

او، همین گون گونورتا ساعتلارین‌دا آذربایجان و ایرانین مختلف بؤلگه‌لرین‌ده اورمیایا گلن انسانلارین و مدنیت خادیملرینین اشتراکی ایله شهرین "باغ رضوان" قبرستانلیغین‌دا تورپاغا تاپیشیریلیب.

بو گون ایسه آذربایجان‌لیلار اورمیا، تبریز، تهران، اردبیل و باشقا بیر نئچه شهرده اونون اؤلومونون ۳-جو گونونو قید ائتمک اوچون مراسیملرین کئچیریلمه‌سینی پلانلاشدیریبلار.