ایران رهبری علی خامنه‌ای‌نین البرز ایالتینده‌کی نماینده‌سی و کرج شهرینین جمعه امامی محمد مهدی حسینی همدانی قوراقلیق و سو چاتیشمازلیغینا گؤره وطنداشلاری گناهلاندیریب.

Axar.az خبر وئریر کی، بو باره‌ده اؤتن گون چیخیش ائتدیی جمعه نامازیندا دئییب:

"قوراقلیق انسانلارین گناه عمللرینین نتیجه‌سی‌دیر و پروبلئمین حلی اوچون وطنداشلار توبه ائدیب و دعا اوخومالیدیرلار".

اؤلکه‌ده حجاب وضعیتینین ده اورک‌آچان اولمادیغینی دئین جمعه امامی، بونون‌دا قوراقلیغین حکم سورمه‌سینده اهمیتلی درجه‌ده رول اوینادیغینی ادعا ائدیب.

قید ائدک کی، بوندان اول ده علی خامنه‌ای‌نین بیر نئچه نماینده‌سی سو چاتیشمازلیغینین گناهینی وطنداشلاردا گؤروب، اونلاری توبه ائتمه‌یه چاغیریبلار.

اکسپئرتلر قوراقلیق بحرانینین اساس سببی کیمی حکومت استروکتورلارینین ثمره‌سیزلیینی و سو سئکتورونداکی کرونیکی اداره‌اتمه‌نین پیسلیینی گؤستریبلر.