استکهلم‌دا نوبل مکافاتلارینین طنطنه‌لی تقدیم‌ائتمه مراسمی کئچیریلیب. توتقون هوایا باخمایاراق، زالین داخلین‌ده پارلاق گئجه گئییملری و گول کومپوزیسییالاری سایه‌سینده بایرام آب-هواسی حکم سوروب.

Kult.az خبر وئریر کی، مراسم نوبل فوندونون صدری آسترید سؤدربرگ ویدینگین چیخیشی ایله باشلاییب. او، چیخیشین‌دا علمین بشریتین عمومی دیلی اولدوغونو وورغولاییب.

موسیقی پروگرامینین مشایعتی ایله کئچیریله‌ن مراسم زمانی کرال ۱۶-جی کارل گوستاو طرفین‌دن لاورئاتلارا مداللار و دیپلملار تقدیم ائدیلیب.

ایلک اولاراق فیزیکلر جان کلارک، میشل دوره و جان مارتینیس مکافاتلاندیریلیبلار. داها سونرا کیمیا، فیزیولوگییا و یا طب، ادبیات و اقتصادیات اوزره لاورئاتلار تلطیف اولونوبلار. زال‌دا کرال عائله‌سینین عضولری، سیاست‌چیلر و نوبل فوندونون نماینده‌لری ده داخل اولماقلا تخمیناً ۱۳۰۰ قوناق اشتراک ائدیب. ایلک دفعه اولاراق مختلف مکتبلرین یوخاری صینیف شاگردلری ده مراسمه دعوت اولونوبلار.

مراسم‌دن سونرا اشتراک‌چیلار استکهلم بلدیه بناسینا یوللانیبلار. اورادا اونلار اوچون نوبل منیوسو، ایله‌نجه پروگرامی و رقصلر نظرده توتولوب.