قاراباغ ارمنیلرینه سؤیلمیشم کی، اونلارین قاییدیشی غیری-رئالدیر.

Axar.az خبر وئریر کی، بونو ارمنستان باش ناظری نیکول پاشینیان دئییب.

«اگر بیز قاییدیش گونده‌مینی داوام ائتدیرسک، بو، (سپاراتچی) «قاراباغ حرکاتی»نی یئنی‌دن باشلایاجاغیمیز آنلامینا گله‌جک. من آرتیق بیان ائتمیشم کی، بیز «قاراباغ حرکاتی»نی داوام ائتدیرمملیییک، بو بیتیب، اونو دیرچلتمک جهدلری عبث اولاجاق»، - او بیلدیریب.

پاشینیانین سؤزلرینه گؤره، ارمنستان قاراباغ مسئله‌سینین حل اولونمادیغینی بیان ائدرسه، بو، یئنی محاربه دئمک اولاجاق:

«قاراباغ مسئله‌سینین داوام ائتمه‌سی یئنی محاربه، یئنی قربانلار، یئنی چتین‌لیکلر، گؤزلنیلمز نتیجه‌لرله یئنی بلوکادا دئمکدیر. قاراباغ مسئله‌سینین حل اولونمادیغینی دئیه‌نلر، ماهیت اعتباریله ارمنستانین یئنی محاربه‌یه باشلامالی اولدوغونو دئییرلر».

باش ناظر آذربایجان و ارمنستانین بیر-بیرینین اراضی بوتولویونو تانیدیغینی قید ائدیب.