آمریکا سلاحلی قوه‌لری سورییادا ایشید ترور گروپلاشماسینین دؤیوشچولرینه قارشی آنتی‌ترور عملیاتینا باشلاییب. بو آددیم پالمیرادا آمریکالی حربچیلره ائدیلن هجوما جواب اولاراق آتیلیب.

Axar.az خبر وئریر کی، بونو آمریکانین حربی ناظری پیت هگسئت دئییب.

اونون سؤزلرینه گؤره، "هاوکئی ایستریکه" ("شاهین گؤزو ضربه‌سی") عملیاتی ایشید دؤیوشچولرینین، اینفراستروکتور اوبیئکتلرینین و سلاح آنبارلارینین محو ائدیلمه‌سینه یؤنه‌لیب:

"بو، یئنی محاربه‌نین باشلانغیجی دئییل، قیصاصین اعلانی‌دیر".

او همچینین قید ائدیب کی، عملیات زامانی آمریکا حربچیلری آرتیق بیر سیرا دؤیوشچولری ررسیزله‌شدیریبلر و فعالیتلرینی داوام ائتدیرمه‌یه نیتلیدیرلر.

"بو گون بیز دوشمنلریمیزی ایزله‌دیک و اؤلدوردوک. داوام ائدجه‌ییک"، – پنتاگون رهبری علاوه ائدیب.