آمریکا پرزیدنتی دونالد ترامپ فدرال تحقیقات بوروسونون (ف‌ت‌ب) اونون فلوریدا اشتاتینداکی مار-آ-لاگو اقامتگاهیندا آپاردیغی آختاریشا گؤره آمریکا حکومتی آدیندان اؤزونه ۱ میلیارد دوللار مبلغینده تضمینات اؤد‌یه بیلجه‌یینی استثنا ائتمه‌ییب.

Axar.az خبر وئریر کی، ترامپ بو باره‌ده شمالی کارولینا اشتاتینین روکی-ماونت شهرینده چیخیشی زامانی دانیشیب.

اونون سؤزلرینه گؤره، یارانمیش وضعیت آمریکا تاریخینده مثلی گؤرونمه‌میش حالدیر:

"بیلیرسینیز، من ادعا قالدیرمیشام و ایشی اودورام. اما بیر پروبلئم وار، بو ادعانی محض من اؤزوم حل ائتمه‌لییم. یعنی ادعانی من قالدیریرام و اونو یئنه ده من حل ائدیره‌م. بلکه ده اؤزومه ۱ میلیارد دوللار وئریم و هامیسینی خیرییه فوندلارینا آییریم. منطیقلی‌دیر، ائله دئییلمی؟» - ترامپ بیلدیریب.

او، علاوه ائدیب کی، آمریکایا قارشی ادعا قالدیران ترامپ سونرادان پرزیدنت اولوب و ایندی همین ادعانین طالعینی یئنه اؤزو معینلشدیرمه‌لی‌دیر.

"بو، غریبه وضعیت دئییلمی؟ من اؤزومله دانیشیقلار آپارمالییام»، - آمریکا پرزیدنتی دئییب.