روسیا آرکتیکادا اقتصادی اهمیت‌لی سو آرتریاسینی قوروماقدا قرارلیدیر. ایلک دفعه اولاراق سککیز نووه بوزقیران گمی‌دن عبارت روسیانین بوتون شمال دونانماسی عینی واخت‌دا اورادا یئرلشدیریله‌جک.

Axar.az خبر وئریر کی، بونو بریتانیا کرال دونانماسینین ظابطی توم شارپ "تلگراف" اوچون یازدیغی مقاله‌سینده قید ائدیب.

شارپ بیلدییب کی، اوب و یئنی‌سئی کؤرفزلرینده قیش‌دا بوز ییغیلماسی زمانی بو گمیلر اوزاق سیبر ترمیناللاریندان نفت، مایгلشدیریلمیش طبیعی گاز و مینئراللار داشییان تانکرلره یول آچیر:

"دکابرین ائرکه‌ن و قالین بوزونو نظره آلاراق، بو سفربرلیک روسیانین "اوجقار شمال"آ دنیز چیخیشینین نه قدر واجیب اولدوغونو و پوتینین اونو آچیق ساخلاماق اوچون نه قدر چاره‌سیز اولدوغونو گؤستریر. اونون محاربه اقتصادیاتینی دستکله‌مک اوچون نفت و گازا احتیاجی وار".