اؤلکه‌ده جمعیتین سایینین آزالماسی و یاشلی نسلین آرتماسی تئندنسییاسی ایندی اولدوغو کیمی داوام ائدجه‌یی تقدیرده ۲۱۰۰-جو ایله کیمی ایران اهالی‌سینین سایی ۴۰ میلیون اولاجاق.

Axar.az خبر وئریر کی، بونو ایرانین داخیلی ایشلر ناظری اسکندر مؤمنی دئییب.

او، بونون قارشیسینی آلماق اوچون جدی و تعجیلی تدبیرلرین گؤرولمه‌سی و مسئله‌یه مداخیله ائدیلمه‌سینین واجب اولدوغونو بیلدیریب.

"اگر موجود تئندنسییا داوام ائدرسه، گئنیش اقتصادی، سوسیال و تهلوکه‌سیزلیک نتیجه‌لری ایله اوزلشه‌جک و جدی بیر دموگرافیک بحرانلا قارشیلاشاجاغیق"،- ناظر خبردارلیق ائدیب.

مؤمنی بو وضعیتین دییشمه‌سی اوچون یئنی سیاستین فورمالاشماسینی و اهالی ساحه‌سین‌ده ائففئکتیو مداخیله‌نین حیاتا کئچیریلمه‌سینی طلب ائدیب.

داخیلی ایشلر ناظری همچینین دوغوم نسبتلرینین آزالماسی و یاشلانمانین آرتماسینین ایرانین دموگرافیک گلجه‌یی اوچون هیجان وئریجی علامت اولدوغونو وورغولایاراق دئیب:

"بو پروسئسلره لاقید قالا بیلمریک و موجود تئندنسییانی پلانلاشدیرما و کنکرت تدبیرلر واسطه‌سیله دییشدیرمه‌لیییک".