مادورونو مرکزی کشفیات اداره‌سینه یاخین چئوره‌سیندن اولان شخص ساتدی.

Axar.az خبر وئریر کی، بو باره‌ده «نیو یورک تایمز» معلومات یاییب.

معلوماتا گؤره، سیانین کیچیک گروپو آوگوستون اولینده ونزوئلادا گیزلی فعالیته باشلاییب:

«عملیات پلانین‌دا مادورونون یاخین چئوره‌سیندن اولان بیر شخص — دیکتاتورون شخصی اقامتگاهینا محدودیت‌سیز گیریش حقوقو اولان بیر کؤستبک اشتراک ائدیب.

«بو گروپو دیکتاتورو، او جمله‌دن درونلاردان استفاده ائد‌رک ایزلییردی. آگنتلر اونون نئجه حرکت ائتدیینی، هارادا یاشادیغینی، هارا گئتدیینی، نه یئدیینی، نه گئییندیینی، حتی هانسی ائو حیوانلارینا صاحب اولدوغونو اؤیره‌نیردیلر»، - آمریکا حکومتینین باش حربی مشاوری دئن کئین بیلدیریب.

کئینین سؤزلرینه گؤره، مادورونون اله کئچیریلمه‌سینده میکرودرونلاردان استفاده ائدیلیب:

«اونلار اقامتگاهین رئال واخت رژیمین‌ده ۳د خریطه‌سینی یاراتدیلار. بو، عسگرلره دبیلقه‌لرینده‌کی دیسپلیلر واسطه‌سیله مانعه‌لری، جانگودنلری و مادورونون اؤزونو گؤرمه‌یه امکان وئردی. بیز سؤزله، دیوارین او اوزونو بئله».

«نیو یورک تایمز» یازیب کی، بونونلا بئله سیانین کؤستبیی حل ائدیجی فاکتور اولوب:

«او، مادورونون یاتاق اوتاغینا و سیف اوتاغینا آچیلان نهنگ پولاد قاپیلارین کیلیدلنرکه‌ن قیسا مکانیکی گئجیکمه اولدوغونو بیلدیردی. «دلتا فورس» دا پرزیدنتی اله کئچیرمک اوچون جمعی بیر نئچه ثانیه‌لیک بو پنجره‌دن استفاده ائتدی. کؤستبک همچینین مادورونون یاتاق اوتاغینا گئتدیینی و محافظه‌چیلرینین راحت اولدوقلارینی شیفرلنمیش کانال واسطه‌سیله تصدیقله‌ییب».