اؤلکه‌ده ایسته‌نیلن دییشیک‌لیک خالقین اؤز الی ایله باش وئرمه‌لی‌دیر و هر هانسی بیر خارجی حربی مداخیله‌یه احتیاج یوخدور.

Axar.az خبر وئریر کی، بونو ایرانین کئچمیش شاهینین اوغلو رضا پهلوی "وال استریت ژوورنال"آ مصاحیبه‌سینده دئییب.

پهلوی ایران خالقینین طلبی ایله پروسسلره قوشولدوغونو ادعا ائدیب و اونلارین خواهیشی ایله کئچید دؤورونه رهبرلیک ائتمک اوچون ایر‌لی چیخدیغینی بیلدیریب.

او، اساس هدفلرینین آراسیندا اؤلکه‌نین پارچالانماسینین قارشی‌سینین آلینماسینین پریوریتت اولدوغونا دقت چکیب:

"بو یولون اساس مقصدی ایرانین اراضی بوتؤولویونو قوروماق، دینی دولت‌دن آییرماق و فردی آزادلیقلاری تامین ائتمک‌دیر. بو دا نتیجه‌ده ایران خالقینین اؤلکه‌نین سیاسی سیستمی‌نین گله‌جک فورماسینی اؤزونون معین ائده بیلمه‌سینه سبب اولا بیلر".