آمریکا حرب‌چیلری ونزوئلا لیدری نیکولاس مادورونو اله کئچیرمک اوچون عملیات زمانی نامعلوم، گوج‌لو بیر سلاح‌دان استفاده ائدیبلر.

Axar.az خبر وئریر کی، بو باره‌ده «نیو یورک پست» قزئتی ونزوئلا لیدرینین تهلوکه‌سیزلیک خدمتینین امکداشینین ایفاده‌سینه استنادلا معلومات یاییب.

«آمریکا عسگرلری ونزوئلالیلارین رادار سیستملرینی سؤندورمکله، مقاومت مرکزلرینی باسماقلا و درونلارلا مؤقعلرینی آتشه توتماقلا اونلاری آسانلیقلا کور ائده بیلیبلر.

بیردن بوتون رادار سیستملریمیز هئچ بیر ایضاحات اولمادان قارالدی. نوبتی گؤردویوموز شی مؤقعلریمیزین اوزریندن اوچان چوخسایلی درونلار اولدو. نئجه رئاکسییا وئرجه‌ییمیزی بیلمیردیک»، - معلومات‌دا قید اولونوب.

اونون سؤزلرینه گؤره، بوندان سونرا سمادا آمریکا خصوصی تعیینات‌لیلارینی داشییان هلیکوپترلر پیدا اولوب:

«اونلار اودلو سلاحلاردان داها گوج‌لو سلاحلارلا سلاحلانیبلار. بیر آندا اونلار گوج‌لو سس دالغاسی یاراداراق نسه آتیبلار و باشیمین ایچریدن پارتلادیغینی حس ائتدیم. اطرافداکیلارین بورونلاریندان قان آچیلدی و قان قوسماغا باشلادیلار. بو، اونلاری هئچ کیمین آیاغا قالخا بیلمیجه‌یی وضعیتده قویدو».

قید ائدک کی، یانوارین ۳-او آمریکا حربی قوه‌لری ونزوئلانین پایتاختی کاراکاس‌دا و اطراف اشتاتلاردا ۱۱ استراتژی هدفه گئنیش‌مقیاسلی ضربه‌لر ائندیریب. عملیات نتیجه‌سینده اؤلکه پرزیدنتی نیکولاس مادورو خانیمی سیلیا فلورسله بیرلیکده اله کئچیریله‌رک نیو یورکا آپاریلیب.