اونلار خارج‌دن اؤلکه‌یه ترورچولار گتیریبلر. مسجدلری یاندیریبلار. انسانلاری یاندیریبلار، بعضیلرینین باشینی کسیبلر. بو انسانلار بو اؤلکه‌یه عاید دئییللر. اگر کیمسه بو اؤلکه‌یه مخصوص‌دورسا، قوی اعتراض ائتسین و بیز ده اونلارین اعتراضینی ائشیدیب، دینله‌ییب حل ائدجییک. اونلار حادثه یئرینده گناه‌سیز انسانلاری اؤلدورورلر، یانغینلار تؤردیرلر؛ بو، قبول ائدیله بیله‌جک بیر شی دئییل.

Axar.az خبر وئریر کی، بو سؤزلری ایران پرزیدنتی مسعود پزشکیان دئییب.

«عزیز خالقیمیزدان اولکی کیمی، هر محله‌ده توپلاشیب اغتشاشلارا یول وئرمه‌مه‌لرینی خواهش ائدیرم. ذهینلرینده دوغرو و یا یانلیش یارادیلمیش تحلیللره اساسلاناراق، اغتشاشچیلارا و ترورچولارا آلدانمامالارینی خواهش ائدیریک.

آمریکا و اسرائیل اورادا اوتوروب اونلارا اؤیردیرلر: "داوام ائدین، بیز ده بوراداییق". بو اؤلکه‌یه ضربه ووران و گنجلریمیزی، اوشاقلاریمیزی اؤلدورن عینی انسانلار ایندی بو انسانلارا بو ایشی گؤرمه‌یی امر ائدیرلر: "بیز بوراداییق، سیز گئدیب داغیدین و بیز سیزین آرخانیزجا گلجییک".

عائله‌لر، سیزدن خواهش ائدیرم، گنجلرین باشلارینی کسیب اؤلدورمه‌یه گلن اغتشاشچیلار و ترورچولارلا قاریشماسینا اجازه وئرمیین. قوی اعتراض ائتسینلر. اعتراضینیزی دینلملییک. ناراحاتلیغینیزی حل ائتملییک. گلین ال-اله وئریب بیرلیکده اوتوروب حل ائدک»، - پزشکیان بیلدیریب.