آمریکانین بیرینجی خانمی ملانییا ترامپ روسیا پرزیدنتی ولادیمیر پوتیندن اوکراینالی اوشاقلارین گئری قایتاریلماسی و محاربه نتیجه‌سینده آیریلمیش عائله‌لرین یئنی‌دن بیرلشدیریلمه‌سی پروسسی ایله باغلی مکتوب آلدیغینی آچیقلاییب.

Axar.az خبر وئریر کی، بو باره‌ده «نیوزویک» معلومات یاییب.

ملانییا ترامپ بیلدیریب کی، اؤتن ایل سؤزوگئدن مسئله ایله باغلی پوتینه مراجعت ائدیب و روسیا لیدری ده جواب وئریب:

«او، منه جواب مکتوبو یازدی. نماینده‌م روسیا طرفی ایله علاقه ساخلاییر و بیز هله ده داها چوخ اوشاغی یئنی‌دن بیرلشدیرمک اوزرینده ایشلییریک».

ملانییا مکتوبون متنینی آچیقلاماسا دا، دانیشیقلارین نتیجه‌لری ایله باغلی احتیاط‌لی نیکبینلیک ایفاده ائدیب:

«امید ائدیره‌م کی، تئزلیکله یئنی‌دن بؤیوک اوغورلارا امضا آتا بیلجییک. بوتون بو اوشاقلارین و والیدینلرین خوشبخت اولدوغونو گؤرمک چوخ خوشدور».