۳۰ یانواردا ایرانین خاریجی ایشلر ناظری عباس عراقچیی بیلدیریب کی، ایران آمریکانین سازیش باغلانماسی ایله باغلی طلبلرینی رد ائدیر. آمریکا ایله راضیلاشما فاکتیکی اولاراق ایران رژیمینی یاشانماز حالا سالاجاق، بو راضیلاشما رژیمی درحال دئویرمیر، اسلام رسپوبلیکاسینین موجودلوق آرکیتئکتوراسینی (ایدئولوژی، اقتصادی و گوج ستونلارینی) داغیدیر.

Axar.az خبر وئریر کی. بو سؤزلری پولیتولوگ کامران جفراوو قید ائدیب.

"آمریکا ایسه اؤز نؤوبه‌سینده ایرانین اطرافیندا دونانمانی گوجلندیرمکله یاناشی یاخین شرقده‌کی بازالارا دایانمادان سلاح، راکتلر و هاوا هجوموندان مدافعه سیستملری داشیماغا داوام ائدیر.

موجود شرایط و شرطلر ترامپا گئری آددیم آتماغا (سئودیی کیمی) امکان وئرمیر و سبب اولدوقجا ساده‌دیر: پوتنسیال سازیشین دانیشیق پرئدمئتی ایران رژیمینین بوینونا آسیلان ساعتلی بومبادیر، طبیعی کی، رژیم بونو قبول ائتمیر:
ائتمیرسه، دیپلوماتییا بیتیر، دیپلوماتییا بیتیرسه، توپلار، راکتلر ایشه دوشور"، - او بیلدیریب.

پولیتولوگ وورغولاییب کی، اساس خبر سعودییه عربستانی ایله باغلی یاییلان معلومات‌دیر:

"آکیوس" یازیر کی، عربستان موقعیینی ۱۸۰ درجه دییشیب، ۳۰ یانواردا واشینگتون‌دا کئچیریلن قاپالی بریفینگده عربستانین مدافعه ناظری ایرانا هجومون ضرورتینی قید ائدیب. خاطیرلاداق کی، ۱۴ یانواردا گؤزلنیلن هجومون اولماماسیندا سعودییه عربستانینین کسکین اعتراضی دا رول اوینادی".