روسیانین آتشکه‌سی پوزاجاغی تقدیرده اوکراینا بیرگه حربی جواب باره‌ده آمریکا و آوروپا ایله راضیلیغا گلیب.

Axar.az خبر وئریر کی، بو باره‌ده «فایننشل تایمز» معلومات یاییب.

نشرین معلوماتینا گؤره، پلان اوچ مرحله‌یه بؤلونور:

- آتشکس رژیمینین پوزولماسیندان ۲۴ ساعت سونرا دیپلماتیک خبردارلیق گؤندریلیر و اوکراینا اوردوسو آتشکس پوزونتوسونون قارشی‌سینی آلماق اوچون تدبیرلر گؤرور؛

- دؤیوشلر داوام ائدرسه، «ایستک‌لیلر کوالیسیاسی» - آوروپا بیرلییی اؤلکه‌لری، بؤیوک بریتانیا، نروژ، ایسلاندییا و تورکیه‌نین اشتراکی ایله گئنیش مقیاس‌لی جواب تدبیرلرینه باشلاناجاق؛

- پوزونتو ایلک هجوم‌دان سونرا ۷۲ ساعت عرضینده اشغالا کئچرسه، آوروپا بیرلیییی و آمریکانین حربی رئاکسیاسی علاقه‌لندیریله‌جک: آوروپا محافظه قوه‌لری آمریکانین کشفیات و لوجستیکا دستیی ایله آتشکسدن سونرا هوا، دنیز و قورو عملیاتلارینی تعمین ائد‌جک.

قید اولونوب کی، اوکراینا، آمریکا و آوروپا اؤلکه‌لری آرتیق بو دستک پلانی ایله باغلی راضیلیغا گلیب.