فرانسا پرزیدنتی امانوئل مکرونون باش دیپلماتی فورالین ۳-ده روسیا رسمیلری ایله دانیشیقلار آپارماق اوچون مسکوادا اولوب.

Axar.az خبر وئریر کی، بو باره‌ده «رؤیترز» آگنتلیینه منبع‌لر معلومات وئریب.

منبع‌نین سؤزلرینه گؤره، مکرونون ۲۰۱۹-جو ایلدن بری دیپلماتیک شعبه‌سینه رهبرلیک ائد‌ن امانوئل بونن کرملینین رسمیلری ایله گؤروشوب. منبع علاوه تفرعات وئرمه‌ییب، یالنیز بیلدیریب کی، مقصد اساس مسئله‌لر اوزره، ایلک نوبه‌ده اوکراینا ایله باغلی دیالوگ آپارماقدیر.

فرانسانین باش ناظیری دانیشیقلارین کئچیریلمه‌سی فاکتینی نه تصدیقله‌ییب، نه ده تکذیب ائدیب، لاکن بئله دئییب:

"پرزیدنت دونه‌ن اؤز اوفیسینده دئدیی کیمی، مذاکره‌لر تام شفافلیق شرایطینده تکنیکی سوییه‌ده آپاریلیر و پرزیدنت زلنسکی، ائلجه ده اساس آوروپالی همکارلارلا مصلحتلشمه اساسین‌دا حیاتا کئچیریلیر".

ایکی دیپلماتیک منبع بیلدیریب کی، متفقلر بو تشببوس باره‌ده معلوماتلاندیریلیب و بونن روسیا پرزیدنتی ولادیمیر پوتینین باش کمکچی‌سی یوری اوشاکوولا دانیشیقلار آپاریب.