چچنیستان لیدری رمضان کادیروو آمریکا و اسرائیل ایله مناقشه‌ده ایرانا حربی دستک وئرمکدن امتنا ائدیب.

Axar.az خبر وئریر کی، کادیروو بونون سببینی تلگرام‌دا آچیقلاییب.

اونون سؤزلرینه گؤره، اگر ایران حاکمیتی عرب قونشولاریندا ملکی شخصلری هدفه آلماسا، او، چچنیستان قوشونلارینی ایرانا گؤندرمه‌یه حاضر اولاردی.

"اونلار بیزیم قارداشلاریمیزا دا هجوم ائدیرلر... اوچونجو اؤلکه‌لرده‌کی ملکی شخصلرین مناقشه‌نین گناهسیز قربانلارینا چئوریلمه‌سینی گؤرمک‌دن چوخ ناراضییام"، - او، قرارینی بئله ایضاح ائدیب.

کادیروو وورغولاییب کی، اگر ایران قونشولارینا هجوم ائتمسیدی، آمریکا هجومونو دفع ائتمک اوچون چچن قوشونلارینین ایرانا گؤندریلمه‌سی باش وئره بیلردی.

کادیروو ایرانا کونکرت هانسی بؤلمه‌لری گؤندرمه‌یه حاضر اولاجاغینی و یا بونون اوچون هانسی روسیا قانونلارینین حقوقی اساس اولاجاغینی دقیقلشدیرمه‌ییب.

داها اول «احمد» خصوصی تعینات‌لی قوه‌لرینین کوماندیری، عینی زمان‌دا مدافعه ناظرلیینین باش حربی-سیاسی اداره‌سینین رئیس معاوینی وظیفه‌سینی توتان گنرال-لیتنانت آپتی آلاودینوو ایران اوغروندا دؤیوشمه‌یه حاضر اولدوغونو بیلدیرمیشدی.