بیز تهلوکه‌سیزلیک مدلیمیزی تکلیف ائدیریک: معاصر و دؤیوشه حاضر اردو، گوجلو لیدر و گوجلو متفق.

Axar.az خبر وئریر کی، بو سؤزلری «ارمنستان» بلوکونون باش ناظیرلییه نامزدی روبرت کؤچریان ۸ مایدا ائچمیدزینده سئچکی کامپانییاسی چرچیوه‌سینده کئچیردیی میتینگده بیلدیریب.

«بشریت هله باشقا بیر مدل اورتایا قویماییب. بیزی محاربه ایله تهدید ائدیرلر، اما ساده بیر حقیقت وار: تجاوزکار غلبه شانسلارینین چوخ یوکسک اولدوغونا امین اولدوقدا محاربه‌یه باشلاییر. عکس حالدا، هئچ بیر اؤلکه محاربه‌یه باشلاماز.

بیز صلح اوچون چالیشیریق، اما صلح داواملی، ضمانتلی و ضمانتچیلری ایله اولمالیدیر. صلح بیر نفرین شیلتاقلیغیندان آسیلی اولا بیلمز. بو، صلح دئییل، رسوایچی‌لیقدیر و بیز بونا ایمکان وئرمیجه‌ییک»، - دئیه کؤچریان وورغولاییب.