روسیا یاخین گونلرده اوکراینایا قارشی یئنی گئنیش مقیاس‌لی هجوما حاضرلاشا بیلر.

Axar.az خبر وئریر کی، بو باره‌ده اوکراینا حربی هوا قوه‌لری کماندانلیغینین سؤزچوسو یوری ایقنات دئییب.

اونون سؤزلرینه گؤره، ممکن هجوما حاضرلیغی گؤسترن بیر نئچه عامل وار: اوکراینا کشفیاتینین معلوماتلاری، بین‌الخالق طرفداشلاردان آلینان اینفورماسییا، ائلجه ده روسیا حربی آیرودروملاریندا آرتان فعال‌لیق.

«تاکتیکی آویاسیانین یئنی‌دن یئرلشدیریلمه‌سی و آیرودروملاردا آکتیولیین آرتماسی قیده آلینیر. عادتاً، ضربه‌لر ائندیریلمزدن اول دشمن اولجه‌دن طیاره‌لری حاضرلاییر و سیلاحلاندیریر. سون گونلر محض بئله فعال‌لیق مشاهده ائدیریک»، – دئیه ایقنات قید ائدیب.

او دئییب کی، بونا بنزر علامتلر اوللر ده راکتلر و ضربه پیلوتسوز اوچوش آپاراتلارینین تطبیقی ایله حیاتا کئچیریلن کومبینه اولونموش هجوملاردان اول مشاهده اولونوب.