ایران اؤزونون نووه پروگرامین‌دان امتنا ائتمه‌یه‌جک و ان بؤیوک آرقومنت ده اوکراینانین نووه‌دن امتناسینی گؤستریر.

Axar.az خبر وئریر کی، بونو قطرین کئچمیش باش ناظری شیخ حمد بن جاسم «الجزیره»یه مصاحبه‌سین‌ده دئییب.

اونون سؤزلرینه گؤره، ایران نووه پروگرامینا یاشاماق و دولت سوورن‌لییی مسئله‌سی کیمی باخیر:

«بیر دفعه ایران رسمی‌سی منه دئدی: «اوکراینا نووه سلاحیندان امتنا ائتدی، باخین اونا نه اولدو». ایران بیر دولت اولاراق گؤرور کی، اسرائیل و پاکستان نووه سلاحلارینا صاحب‌دیر، حتی رسمی اولاراق اعتراف ائتمکدن امتنا ائتسه‌لر بئله. دوشونوره‌م کی، ایران نهایت نووه سلاحنا صاحب اولاجاق. ۲۰ ایلده‌ن سونرا دا اولسا، اونلار بونا نایل اولاجاقلار».