روسییا پرئزیدئنتی ولادیمیر پوتینین پئکینه سفری زامانی موسکوانین آوروپا بازارینی ایتیردیک‌دن سونرا اساس ائنئرژی لاییحه‌لرین‌دن بیری حساب ائتدیی سیبیرین گوجو-۲ قاز کمرینین تیکینتی‌سی ایله باغلی چینین یئکون راضی‌لیغینی یئنی‌دن آلا بیلمدیی بیلدیریلیب.

Axar.az خبر وئریر کی، بو باره‌ده «واشینقتون پوست» نشری یازیب.

نشر قئید ائدیر کی، لاییحه روسییایا هر ایل چینه ۵۰ میلیارد کوبمئتره قدر قاز ایخراج ائتمه‌یه ایمکان وئرمه‌لی‌دیر. لاکین اوزون ایللردیر داوام ائد‌ن دانیشیقلارا باخمایاراق، پئکین هله ده یئکون رازیلاشمالاری ایمزالاماغا تلسمیر.

«بو وضعیت روسییا-چین ترفداشلیغینین محدودیتلرینی بیر داها گؤستریب. اوکراینایا قارشی گئنیشمیقیاس‌لی ایشغال‌دان سونرا روسییا هم ائنئرژی، هم ده صنایع اوچون تئخنولوگییا و کومپونئنت تداروکو مسئله‌لرین‌ده چین‌دن خئی‌لی درجه‌ده آسی‌لی وضعیته دوشوب.

بونونلا بئله، پئکین احتیاط‌لی داورانماغا داوام ائدیر و موسکوانین ضعیفله‌یه‌ن مؤوقئیین‌دن ماکسیموم فای‌دا گؤتورمه‌یه چالیشیر.

کرئملین سؤزچوسو دمیتری پئسکوو دانیشیقلاردان سونرا اعتراف ائدیب کی، لاییحه‌نین ایشه سالینماسی اوچون کونکرئت تاریخ هله ده معین ائدیلمه‌ییب. اونون سؤزلرینه گؤره، طرفلر «اساس پارامئترلر اوزره عمومی آنلاشمایا» گلیبلر، لاکین دئتاللارلا باغلی رازیلاشمالار هله ده داوام ائدیر.

سی سزینپین و ولادیمیر پوتین گؤروش زامانی آبش-این سون آددیملاری فونون‌دا بیرلیک نوماییش ائتدیرمه‌یه چالیشیبلار. بیرگه بیانات‌دا موسکوا و پئکین «بیرترف‌لی هئگئمون‌لوغو» تنقید ائدیب و دیگر دؤولتلره قارشی زربه‌لری پیسله‌ییبلر کی، بونونلا دا فاکتیکی اولاراق آبش-این ایران و وئنئسوئلایا قارشی حرکتلرینه ایشاره ائدیبلر.

سی سزینپین همچینین بیلدیریب کی، دونیایا «بیرترف‌لی‌لیک و هئگئمونیزم» تهلوکه یارادیر، یاخین شرق‌ده حربی عملیاتلارین دایاندیریلماسی ایسه ائنئرژی رئسورسلارینین تداروکو و قلوبال تیجارتین ثابت‌لیگی اوچون واجیب‌دیر»، - نشر یازیب.

قئید ائدک کی، اؤت‌ن گون روسییا پرئزیدئنتی ولادیمیر پوتین پئکین‌ده رس‌می سفرده اولوب.