حاضردا اؤلکه‌نین ان واجب بئش بندینین، او جمله‌دن "لار، دوستی، ۱۵ خرداد، بارزو و ساوه بندلرینین دولدورولما سرعتی ۱۰ فایزدن آزدیر.

Axar.az خبر وئریر کی، بو باره‌ده ایران سو احتیاطلارینین ایداره ائدیلمه‌سی شیرکتینین استاتیستیکاسیندا دئییلیر.

"غرب بندلرینین سو آنبارلاریندا سویون آرتماسینا باخمایاراق، تهران، مرکزی، خوراسان رضوی، قم، اصفهان، زنجان و همدان ایالتلری الوئریش‌سیز وضعیت‌ده‌دیر"،- معلومات‌دا بیلدیریلیب.

قید اولونوب کی،اویغون اولاراق، تهران، کرج، مشهد، اراک، قم، اصفهان، یزد، زنجان و همدان شهرلرینده ایچمه‌لی سویون تجهیزاتی محدودیتلرله اوزله‌شیب.

بیر مدت اول ایران سو صنایعسی فدراسییاسینین باش کاتیبی علیرضا شریعت خبردارلیق ائتمیشدی کی، استهلاک آزالدیلماسا، ایرانین مرکزی یایلاسیندا ۱۵ میلیون انسانین مجبوری کؤچ بحرانی باش وئره‌جک.

قید ائدک کی، ایرانین مرکزی یایلاسینا کرمان، فارس، اصفهان، یزد، مرکزی، قم و سئمنان کیمی یئددی ایالت داخیل‌دیر.