«ترامپ یولو» ارمنستان و جنوبی قافقاز رگیونو اوچون صلحه یول آچیر.

Axar.az خبر وئریر کی، بونو آمریکا دولت کاتبی مارکو روبیو ایرواندا ارمنستانین خارجی ایشلر ناظیری آرارات میرزویانلا بیرگه بریفینگده دئییب.

«ترامپ یولو» لاییحه‌سی چرچیوه‌سینده امکداشلیق مقاوله‌سی امضالاماق منیم اوچون شرفدیر، بو، تاریخی بیر آددیمدیر. ارمنستان و رگیون اوچون بو، صلحه آپاران یولدور. امکداشلیق بونونلا محدودلاشمیر، اساس مقصد هر ایکی خالقین رفاهی نامینه مناسبتلری انکشاف ائتدیرمکدیر. بو مقصدله واجب مینراللارین چیخاریلماسی و ائمالی ایله باغلی سند امضالانیب. ۲۱-جی عصرده بو صنایع اقتصادی مستقللیک و یئنی تخنولوگیالارا چیخیش تامین ائدیر. بیز ارمنستان و آمریکا دولتلرینین و اقتصادیاتلارینین مینرال احتیاطلارا اعتبارلی چیخیشینی تامین ائتمک اوچون بیرگه ایشله‌مه‌یه حاضیریق. ارمنستان کومانداسینین فعالیتی اؤلکه اوچون داها یاخشی گله‌جه‌یه یول آچیر. بو ایشده سیزه کمک ائتمکدن ممنونوق و گله‌جک اوچون چالیشماغا حاضیریق»، - او بیلدیریب.