لاتوییا، لیتوا و استونییا اوکراینا کیمی اوپراتیو و استراتژی درینلییه مالیک دئییل و روسیه بوندان استفاده ائده بیلر.

Axar.az خبر وئریر کی، بو سؤزلری اوکراینا تهلوکه‌سیزلیک و امکداشلیق مرکزینین رهبری سرگئی کوزان دئییب.

"بیزیم شمال‌داکی مدافعه‌میز حاضیرلانیب و بؤلمه‌لریمیز دوشمنله نئجه دؤیوشمه‌یی بیلیر. محض بو، ناتو-نون شیمال-شرق جینایندا، خصوصیله ده بالتیکیانی کیچیک اؤلکه‌لرده یوخدور"، - دئیه او بیلدیریب.

کوزانین فیکرینجه، روسیه بو اؤلکه‌لرین حربی اینفراستروکتورونون اوکراینا ایله مقایسه اولونا بیلمه‌مه‌سیندن یارارلانا بیلر. اونون سؤزلرینه گؤره، روسلار بونونلا آوروپایا تضییق گؤستره‌رک اوکراینایا دسته‌یی آزالتماغا چالیشا بیلرلر.

"حتی بیر نئچه یوز "شاهید" درونونون هجومو بئله بو اؤلکه‌لرین کریتیک اوبیئکتلرینی محو ائتمه‌یه قادردیر"، - اکسپرت وورغولاییب.