جنوبی کره هرمز بوغازیندا گمییه ائدیلن هجوما اعتراض اولاراق ایران سفیرینی چاغیراجاغینی آچیقلاییب.

Axar.az خبر وئریر کی، بو باره‌ده جنوبی کره‌نین خارجی ایشلر ناظرلییی معلومات یاییب.

"حکومتیمیز استنطاقین نتیجه‌لرینی ایضاح ائتمک، گمیمیزه ائدیلن هجوملا باغلی کسکین اعتراضینی بیلدیرمک و بئله بیر حادثه‌نین تکرارلانماسینین قارشی‌سینی آلماق اوچون تدبیرلر ده داخیل اولماقلا، مسئولیتلی تدبیرلر طلب ائتمک اوچون ایران سفیرینی چاغیرماق نیتینده‌دیر"،- معلومات‌دا بیلدیریلیب.

چاغیریش، سئول حکومتینین آراشدیرماسینین گمییه هجوما گؤره ایران استحصالی اولان راکتین سبب اولدوغو قناعتینه گلدیینی آچیقلاماسیندان سونرایا تصادف ائدیر.

گمی ماین ۴-ده هرمز بوغازیندا نامعلوم طیاره طرفیندن هدفه آلینیب.

تهران هجومون مسئولیتینی اؤز اوزرینه گؤتورمه‌ییب.