ارمنیستان‌دا سئچکی اؤنجه‌سی سیاسی ریتوریکا داها دا سرتلشیر.

Axar.az خبر وئریر کی، پاشینیانا یاخینلیغی ایله تانینان «باگرامیان ۲۶» تلگرام کانالی کئچمیش پرزیدنت روبرت کؤچریانی و اونا یاخین سیاسی قوه‌لری کرملینین ماراقلاری نامینه ارمنیستانا اقتصادی تضییق گؤسترمک ایسته‌مکده اتهام ائدیب.

کانالین پایلاشیمیندا قید اولونور کی، کؤچریان ژورنالیست پتروس کازاریانا وئردیی سون مصاحبه‌ده وایوتس دزور ولایتینین رهبری واهان آرسنیان باره‌ده سسلندیردیی اتهاملارلا دولاییسی شکلده مهم دتالی اعتراف ائدیب.

«باگرامیان ۲۶» ادعا ائدیر کی، آرسنیانین اساس سهامداری اولدوغو «ژرموک گروپ» شرکتینین استحصال ائتدیی مینرال سو ایله باغلی روسیانین استحلاک نظارتی قورومو طرفیندن قفیل پروبلملرین آشکارلانماسی تصادفی دئییل و بو پروسس آرخاسیندا ارمنیستانداکی روانشیست دایره‌لرین مسکوا ایله علاقه‌لری دایانیر.

پایلاشیم مؤلفلری ادعا ائدیرلر کی، روبرت کؤچریانا یاخین سیاسی قوه‌لر روسیاداکی کوراتورلاری ایله گؤروشلر زمانی کرملینین ارمنیستانا داها سرت اقتصادی تأثیر گؤسترمه‌سینی ایسته‌ییبلر. کانالین وئرسیاسینا گؤره، مقصد ارمنیستان صاحبکارلارینا و اخراج سکتورونا تضییق گؤستره‌رک سئچکی داورانیشینا تأثیر ائتمک اولوب.

بو کونتکستده داها اول مستقل ملت وکیلی گئگام نازاریانین آچیقلامالاری دا خاطیرلادیلیر. نازار­یان بیلدیرمیشدی کی، بعضی ارمنی سیاستچیلری مسکواداکی طرفداشلارینا ارمنیستان وطنداشلارینین اقتصادی تضییقلره حساس اولدوغونو سؤیله‌یه‌رک چیچک اخراجاتچیلارینا، چیلک استحصالچیلارینا، شراب و کونیاک استحصالچیلارینا ضربه وورولماسینین سئچیجیلرین موقعیینه تأثیر ائده بیلجه‌یینی ادعا ائدیبلر.

پاشینیانا یاخین کانال بوتون بونلاری کرملینین ارمنیستانداکی «تأثیر آگنتلری»نین فعالیتی کیمی تقدیم ائدیر و روبرت کؤچریانین چیخیشینی همین اتهاملارین دولایی تصدیقی کیمی شرح ائدیر. کانال مؤلفلرینین فکرینجه، ارمنیستانا قارشی اقتصادی تضییق چاغیریشلاری سئچکی مبارزه‌سینده مسکوا فاکتورونون رولونو آچیق گؤستریر.

بونونلا بئله، روبرت کؤچریان و کومانداسی بو اتهاملارلا باغلی رسمی مؤقع آچیقلاماییب.