روسیا ایله آمریکا آراسیندا قالان آوروپا اوکرایناداکی محاربه، پرزیدنت دونالد ترامپین دشمن مناسبتی، مسکوانین تهدیدلری و ایرانلا محاربه‌نین نتیجه‌لرینین داها دا آغیرلاشدیردیغی ضعیف اقتصادی وضعیت سببیندن دایم ناراحات وضعیتده‌دیر.

Axar.az خبر وئریر کی، بو باره‌ده «Nytimes.com» نشری یازیب.

قید اولونور کی، جمعه گونو رومینیادا ناتو اراضی‌سینده یاشاییش ائوینه دوشه‌رک ایکی نفری یارالایان روسیا درونو بؤیوک احتماللا تصادفی حادثه اولوب. لاکن بو حادثه آوروپالیلارین ناراحاتلیغینی داها دا آرتیریب، چونکی اوکرایناداکی گئنیش‌مقیاسلی محاربه آرتیق دؤرد ایلدن چوخ‌دور داوام ائدیر.
ژورنالیستلرین سؤزلرینه گؤره، رومینیایا دوشه‌ن درون چتین کی، هجومون باشلانغیجی اولسون. بونونلا بئله، آوروپا لیدرلری روسیانین داورانیشی و کلکتیو مدافعه‌یه صادقلیکلری باره‌ده سرت بیاناتلار وئریبلر:

«بو حادثه ناتو-نون اؤز اراضی‌سینی قوروما قابیلیتی ایله باغلی یئنی سواللار دوغوروب. حالبوکی آلیانس «درونلارا قارشی دیوارلار» یاراتماق و اؤتن ایلین سنتیابرین‌دا پولشایا روسیا درونلارینین گئنیش‌مقیاسلی و مقصدلی مداخله‌سیندن سونرا باشلادیلان «شرق کئشیکچی‌سی» عملیاتینی حیاتا کئچیرمه‌یه چالیشیر.

بئله‌لیکله، بوتون بو شبهه‌لر روسیا پرزیدنتی ولادیمیر پوتینین ماراقلارینا خدمت ائدیر. او، ناتو-نو پارچالاماق، ترانساتلانتیک اتفاقی ضعیفلتمک و واشینگتنو قوشونلارینی و راکتلرینی گئری چکمه‌یه مجبور ائد‌رک آوروپانی داها حساس وضعیتده قویماق ایسته‌ییر».