اسرائیلین خارجی کشفیات خدمتی اولان موساد اوزون ایللردیر دنیانین ان افکتیو خصوصی خدمت ارگانلاریندان بیری حساب اولونور. لاکن سون ایللرده ایران و اونون رگیونداکی متفقلرینه قارشی حیاتا کئچیریله‌ن عملیاتلار گؤستردی کی، موساد ساده‌جه اوغورلو عملیاتلار اجرا ائتمکله کفایتلنمیر، عینی زمان‌دا اؤزونو ده کؤکلو شکلده یئنیدن قورور.

Axar.az خبر وئریر کی، داوید بارنئانین موساد-آ رهبرلیک ائتدیی دورون باشا چاتماسی ایله باغلی اسرائیل مدیاسین‌دا و بعضی فارس‌دیللی مطبوعاتلاردا درج اولونان فاکتلار حیرت دوغورور. بئله کی، بو ماتریاللاردا بارنئانین مکمل بیر سیستم یاراتدیغی، کلاسیک جاسوسلوق مدلینی ۲۱-جی عصرین تخنولوژی و هیبرید محاربه رئاللیقلارینا اویغونلاشدیردیغی اوزه چیخیر.

دوروموزه قدر کشفیات خدمتلرینین اوغورو اساساً آگنتورا شبکه‌لرینین مقیاسی و خصوصیله مهم عملیاتلارین بیرباشا و مخفی اجراسی ایله اؤلچولوردوسه، بو گون معلوماتین سرعتی، تخنولوگیانین امکانلاری و عینی واختدا مختلف استقامتلرده ضربه وورماق باجاریغی حل‌ائدیجی عامله چئوریلیب. بارنئانین رهبرلیی آلتین‌دا موساد محض بو استقامتده یئنیدن فورمالاشدیریلیب.

بارنئانین انقلابی

موساد امکداشلاری طرفیندن «بارنئانین بیومتریک انقلابی» آدلاندیریلان ایستروکتور اصلاحاتلاری اساس اعتباریله اوچ استقامت اوزره حیاتا کئچیریلیب:

۱. کیبر، حسابلاما و مترقی تخنولوگیالار ساحه‌سینده‌کی پوتنسیالدان ماکسیموم استفاده؛

۲. ایستر اردو ایله کوردیناسیالی، ایسترسه ده کوردیناسییاسیز شکلده مختلف ساحه‌لرده مختلف هدفلره قارشی عینی زمان‌دا چوخ‌سایلی عملیاتلار اجرا ائتمک مقصدیله تخنولوژی و انسان پوتنسیالی یاراتماق؛

۳. انسانین شخصیتینی معیینلشدیرمه‌یه امکان وئرن بیولمتریک تخنولوگیالارین عملیاتچیلاری آشکارلایا بیلمه‌مه‌سی اوچون موسادین هدف اؤلکه‌لرده فعالیت گوسترن امکداشلاری باشدا اولماقلا شخصی هیئتینین عملیات اصوللاریندا اصلاحاتلار.

اوچونجو استقامته سبب هم ده ۲۰۱۰-جو ایلده بیرلشمیش عرب امیرلیکلرینین دوبای شهرینده حماسیین لوگیستیکا و سلاح آلیشی اوزره مسئولو اولان محمود ال-مبحوها قارشی سوءقصد عملیاتیندان سونرا موساد عملیاتچیلارینین افشا ائدیلمه‌سی ایدی.

«تزومت» اوچ‌قات گوجلندیریلیر

موساد داخلینده ان مهم و بؤیوک بؤلمه «تزومت»دیر. بؤلمه‌نین اساس وظیفه‌سی خارج‌ده خفییه‌لر (کاتسالار) واسطه‌سیله آگنتلر تاپماق، ایشه جلب ائتمک و اداره ائتمکدیر. اساساً جاسوسلوق فعالیتی، کشفیات معلوماتلارینین توپلانماسی و خارجی اؤلکه‌لرده معلومات منبع‌لرینین یارادیلماسی ایله مشغولدور.

بارنئا موساد-آ رهبر گلدیکدن درحال سونرا ایلک اولاراق «تزومت»ده اصلاحاتا باشلادی. چونکی «تزومت»ی یاخشی بیلیردی - او، موساد رهبرلیینه محض بو بؤلمه‌نین رئیسی وظیفه‌سیندن گلمیشدی.

«تزومت»ده اصلاحات و مشهور «پیجر عملیاتی»

بیرینجی بؤلمه - میسیاسی یئنی جاسوسلار جلب ائتمک و عملیاتلار اوچون اونلاردان استفاده ائتمکدیر (عینی زمان‌دا وظیفه‌سی خارجی اؤلکه‌لرده مخفی امکداشلیغا جلب ائدیلمیش آگنتلری اداره ائتمک اولان «کؤهنه بؤلمه» ده ایستروکتور واحیدی اولاراق ساخلانیب)؛

ایکینجی بؤلمه (ایمگ آدلانیر) - میسیاسی تهراندا اسماعیل هنیه‌نین اؤلدورولمه‌سی کیمی هر هانسی پارتلاییشلا سونا چاتان جاسوسلوق عملیاتلارینی اجرا ائتمکدیر؛

اوچونجو بؤلمه - میسیاسی حزب‌الله-ا قارشی حیاتا کئچیریلمیش مشهور «پیجر عملیاتی» کیمی استراتژی اهمیته مالک چتین عملیاتلاری حیاتا کئچیرمکدیر.

خاطیرلاداق کی، «پیجر عملیاتی» نتیجه‌سینده حزب‌الله-ین اونلارلا عضوو اؤلموش، مینلرله عضوو، او جمله‌دن ایران دیپلماتی آغیر یارالانمیشدی.

ایران داخلینده حیرت‌آمیز عملیاتلار

بارنئانین رهبرلیی دورونده موساد-این تخنولوگیا بؤلمه‌سی اوچ اداره‌دن عبارت ایدی:

۱. کیبر

۲. رقمسال

۳. امکداشلار اوچون یئنی تخنولوژی آلتلرین انکشاف و استحصال ائدیلمه‌سی.

بارنئا ائله بیر سیستم قوردو کی، موساد ایرانین داخلینده دنیانی حیرته سالان عملیاتلار حیاتا کئچیرجک سوییه‌یه قالدی. بعضی آنالیتیکلر عمومیتله سون ایللر موسادین آمریکا کشفیاتینی اوسته‌لدیینی تصدیقلییرلر.

موسادین کیبر بؤلمه‌سی ایسه چاخالین آنالوژی بؤلمه‌سیندن داها یوکسک سوییه‌یه قالدی.

بارنئا «سیزما بؤلمه‌سی»نی ده تشکیل ائتمیشدی و اونون اوغورلاری دا اؤزونو چوخ گؤزلتمه‌میشدی. پسیخولوژی محاربه بو بؤلمه‌نین فعالیت استقامتلرینده بیرینی تشکیل ائدیب. سابق سپاه کوماندانلاریندان بیری، ایران پرزیدنتی ابراهیم رئیسی آدمینیستراسییاسی دورونده اؤلکه‌نین یول و شهرسالما ناظیری اولان رستم قاسیمینین مالایزیایا ائتدیی سفرده حجابسیز قادینلا گؤرونتولرینین یاییلماسی دا همین بؤلمه‌نین فعالیتینین نتیجه‌سی ایدی.

بارنئا عملیاتلاردا اجنبی آگنتلرین استفاده تجربه‌سینی خصوصیله گئنیشلندیرمیشدی. ایرانا قارشی ۲۰۲۵-جی ایلده حیاتا کئچیریله‌ن ۱۲ گونلوک محاربه زمانی بارنئانین بو استقامتده فعالیتینین نتیجه‌لری تام قاباریقلیغی ایله اوزه چیخدی. عملیاتدان اول اسرائیله آپاریلاراق تعلیم وئریلمیش ایران وطنداشلاری اؤلکه‌لرینه گئری قاییتدیقدان سونرا عملیاتین اجرا واختینا قدر سیراوی حیاتلارینی داوام ائتدیریبلر. اسرائیلین هجوما استارت وئرمه‌سیندن قیسا مدت اول ایسه مخفی رابطه کاناللاری واسطه‌سیله تعلیمات آلان همین آگنتلر ایران داخلینده سپاهین هوا هجوموندان مدافعه سیستملری و آتیشا حاضر اولان راکت بوراخیلیش قورغولارینی اونلارا چاتدیریلمیش اسرائیل سلاحلاری ایله هدف آلاراق محو ائدیبلر.

ان ماراقلی‌سی ایسه ۱۲ گونلوک محاربه‌دن سونرا ایرانین اؤلکه داخلینده کئچیردیی اسرائیل آگنتلرینین افشاسی ایله باغلی یایدیغی معلوماتلاردیر. ایران خصوصی خدمت ارگانلاری محاربه‌دن سونرا آز قالا هر گون اونلارلا «اسرائیلین آگنتی» افشا ائتدیینی اعلان ائدیردی. اما سؤزوگئدن مقاله‌لرده وورغولانیر کی، ایران نه عملیاتدان اول، نه ده سونرا همین آگنتلرین هئچ بیرینی افشا ائتمه‌یه نایل اولماییب. بئله کی، محاربه‌لردن سونرا ایراندا اسرائیله جاسوسلوق اتهامی ایله حبس ائدیله‌نلردن هئچ بیری موساد ایله امکداشلیق ائد‌ن شخصلر دئییل، اونلار یالنیز اراضیده چکیلیش آپاران و اونو یایماغا چالیشان و یاخود ایران حاکمیتینی تنقید ائد‌ن عادی وطنداشلاردیر.

بارنئانین ایرانلا باغلی پروگنوزو

بارنئا و اطرافی ترامپین ایرانلا ممکون راضیلاشمادا رسمی تهرانا اقتصادی امتیازلار وئرمیجه‌یی تقدیرده موجود تئوکراتیک رژیمین جاری ایلین سونونا قدر سقوط ائده بیلجه‌یینی قید ائدیر. ان یاخشی حالدا رژیمین ۱-۳ ایل دؤزه بیلجه‌یی وورغولانیر.

بارنئا وداع چیخیشیندا دا ایران‌دا سیاسی سیستمین دییشجه‌یینه اینامینی ایفاده ائتمیشدی.