ایران پرزیدنتی مسعود پزشکیان ارمنستان‌دا کئچیریله‌ن پارلامنت سئچکیلرینده غالب گلمه‌سی مناسبتیله ملکی مقاوله پارتیاسینین صدری، ارمنستان باش ناظیری نیکول پاشینیانی تبریک ائدیب.

Axar.az خبر وئریر کی، بونونلا باغلی پزشکیان پاشینیانا مکتوب عنوانلاییب.

«ارمنستاندا پارلامنت سئچکیلرینین اوغورلا کئچیریلمه‌سی و رهبرلیک ائتدیینیز ملکی مقاوله پارتیاسینین غلبه‌سی مناسبتیله سیزه ان صمیمی تبریکلریمی چاتدیرماق ایسته‌ییرم.

ارمنستان خالقینین حکومتینیزه یئنیدن اعتماد گؤسترمه‌سی صلحون، انکشافین، ثابتلیین و رگیونال امکداشلیغین محکملندیریلمه‌سینه یؤنلمیش سیاستی داوام ائتدیرمک ایسته‌یینی و سعیلرینی ثبوت ائدیر»، - او بیلدیریب.

پزشکیان پاشینیانین نوبتی باش ناظیرلیی دورونده ایکی‌طرفلی امکداشلیغین داها دا انکشاف ائدجه‌یینه و رگیون اؤلکه‌لری آراسیندا قارشی‌لیقلی علاقه و امکداشلیغین بؤلگه‌میزده صلحون، ثابتلیین و انکشافین محکملندیریلمه‌سینه تحفه وئرجه‌یینه اینامینی ایفاده ائدیب.

قید ائدک کی، ۷ ایوندا ارمنستاندا پارلامنت سئچکیلری کئچیریلیب. ارمنستان مرکزی سچکی کمیسیاسینین اعلان ائتدیی ایلکین نتیجه‌یه گؤره، پاشینیانین ملکی مقاوله پارتییاسی ۴۸،۸۲% سسله غالب گلیب و ۱۰۵ یئرلیک پارلامنتده ۶۴ ماندات الده ائدیب.