روسیا جبهه‌یه کؤنوللولرین جلب ائدیلمه‌سی سیستمینین سونونا یاخینلاشیر و بو دا کرملینی گئتدیکجه داها چوخ مجبوری سفربرلیک دالغاسینی نظردن کئچیرمه‌یه وادار ائدیر.

Axar.az خبر وئریر کی، بو باره‌ده «کیئو ایندپندنت» معلومات یاییب.

نشر خاتیرلادیر کی، ۲۰۲۲-جی ایلین سنتیابرین‌دا اعلان ائدیلمیش ایلک "قسما سفربرلیک" دالغاسی اوکراینانین خارکوو ولایتینده اوغورلو عکس-هجومو باشا چاتدیقدان سونرا حیاتا کئچیریلمیشدی. همین واخت کرملین تخمیناً ۳۰۰ مین احتیاط‌دا اولان حربچینی سفربر ائتمیشدی کی، بو دا اعتراضلارا و روسیالیلارین کوتلوی شکلده اؤلکه‌دن گئتمه‌سینه سبب اولموشدو. او واختدان بو گوندک حاکمیت یئنی گئنیش‌مقیاسلی چاغیریشدان یایینماغا چالیشاراق اساس دقتی کؤنوللو مقاوله‌لی حربچیلره و محکوملارین حربی خدمته جلب ائدیلمه‌سینه یؤنلدیب.

مقاله‌ده قید ائدیلیر کی، بو مدل ایندی ضعیفله‌مه‌یه باشلاییب.

اوکراینا کشفیاتینین معلوماتینا گؤره، ۲۰۲۶-جی ایلین بیرینجی ربعونده تخمیناً ۷۰.۵۰۰ یئنی حربچی مقایله امضالاییب کی، بو دا روسیا مدافعه ناظیرلیینین پلانلاریندان خیلی آشاغیدیر. متخصصلرین فکرینجه، بو رقم سون اوچ ایلده ان آشاغی گؤستریجیدیر.

نشرین قید ائتدیینه گؤره، پروبلم روسیا اردوسونون بؤیوک ایتکیلری ایله داها دا آغیرلاشیر. بئله کی، استراتژی و بین‌الخالق آراشدیرمالار مرکزینین حساباتینا گؤره، ۲۰۲۵-جی ایلین سونونا قدر روسیانین ایتکیلری تخمیناً ۳۲۵.۰۰۰ اؤلومله ۱،۲ میلیونا چاتا بیلر. بئله‌لیکله، بو ایتکیلری کمپنساسیا ائتمک اوچون ده مسکوانین آیدا ۳۰.۰۰۰-دن چوخ یئنی عسگر جلب ائتمه‌یی لازم‌دیر.

آنالیتیکلر ایسه قید ائدیرلر کی، کرملین آرتیق اهالی اوزرینده گیزلی تضییقی گوجلندیریر. بئله کی، اؤلکه طلبه‌لری حربی خدمته جلب ائتمه‌یه چالیشیر، موسسه‌لر اوچون ایشه قبول پلانلاریندا دییشیکلیک ائدیر، ائلجه ده طبی و یا انضباطی یوخلامالار آدی آلتیندا احتیاط‌دا اولان عسگرلره چاغیریش ورقه‌لرینین گؤندرمه‌یه چالیشیر. بونونلا دا، اکسپرتلر دوشونور کی، روسیا اوچون وضعیت گئتدیکجه چتینلشیر.