آمریکا روسیا و چینله نووه سلاحلاری آرسنالینین آزالدیلماسی باره‌ده سازش باغلاماق ایسته‌ییر.

Axar.az خبر وئریر کی، بونو آمریکا پرزیدنتی دونالد ترامپ بیلدیریب.

او، جی۷ ساممیتی چرچیوه‌سینده کئچیریله‌ن مطبوعات کنفرانسین‌دا دئییب کی، آمریکا دنیانین ان بؤیوک نووه آرسنالینا مالکدیر، روسیا ایکینجی یئرده‌دیر، چین ایسه اؤز نووه آرسنالینی سرعتله آرتیریر و بئش ایلدن سونرا بو ساحه‌ده اونلارلا عینی سوییه‌یه چاتا بیلر:

«بیز دنوکلاریزاسیا (نووه سلاحلارینین آزالدیلماسی) حاقیندا سازش باغلامالییق – بو، ساده‌جه محتشم اولاردی. بوتون بونلارا احتیاجیمیز یوخدور، دنیانین ۳۰۰ دفعه محو ائدیلمه‌سینه امکان وئرجک قدر سلاحا صاحب اولماغا احتیاج یوخدور. آچیغی، بو، دهشتلیدیر.

اگر دنوکلاریزاسیا ایله باغلی سازش باغلایا بیلسک، من بوندان چوخ ممنون اولاردیم. و بو ایکی طرفدن بیری بونو چوخ ایسته‌ییر. سیزه دئییم کی، ایکینجی طرف ایسه بونا او قدر ده هوسلی دئییل. اما بئله بیر راضیلاشما اوچون هر ایکی طرفین اشتراکی لازم‌دیر»، – دئیه او قید ائدیب.