سربیا سلاحلارین، پیلوتسوز اوچوش آپاراتلارینین (پوا) و دیگر مدافعه سیستملرینین یئرلشدیریلمه‌سی اوچون یئرالتی سیغیناجاقلارین یارادیلماسیندا ایرانین آمریکا و اسرائیلله حربی قارشیدورما زمانی الده ائتدیی تجربه‌دن یارارلاناجاق.

Axar.az خبر وئریر کی، بونو سربیا پرزیدنتی آلکساندر ووچیچ اؤلکه‌نین سلاحلی قوه‌لرینین نمونوی آتیشلاریندان سونرا ژورنالیستلره آچیقلاماسیندا دئییب.

"بیز ایرانین نمونه‌سینی تطبیق ائدجه‌ییک. اونلار بونو اولدوقجا تأثیرلی شکلده حیاتا کئچیریبلر. بوتون استحصال و اینفراستروکتور یئرین آلتینا کؤچورولوب. بوراخیلیش قورغولاری یئر سطحینه چیخاراق تاپشیریغی یئرینه یئتیردیکدن و دشمنین کشفیات واسطه‌لری طرفیندن آشکار ائدیلدیکدن سونرا یئنیدن یئرالتینا قاییدیر. اونلار جدی استحصال موسسه‌لری قوروبلار و بونلارین هامیسی یئرین آلتیندادیر"، – دئیه دولت باشچی‌سی بیلدیریب.

ووچیچ قید ائدیب کی، سربیا اون مینلرله پوا استحصال ائد‌جک و بو واسطه‌لرین تهلوکه‌سیز شکلده گیزلدیلمه‌سی ضروریدیر.

خاطیرلاداق کی، سربیا پرزیدنتی داها اول اؤلکه‌نین یاخین واختلاردا حربی تعییناتلی پیلوتسوز اوچوش آپاراتلارینین استحصالینی آرتیراجاغینی و اردودا پوا-لارین اداره اولونماسی اوزره خصوصی بؤلمه‌لرین یارادیلاجاغینی آچیقلامیشدی