اسرائیل‌ده روسیا پاسپورتونا صاحب بیر تاجیکستان وطنداشی اسلام رسپوبلیکاسینا جاسوسلوق ائتمک و اسرائیل‌ده‌کی جاسوسلوق شبکه‌لرینه باشقا انسانلاری جلب ائتمک اتهامی ایله حبس ائدیلیب.

Axar.az خبر وئریر کی، بو حاق‌دا اسرائیل پلیسی، شین بت و اسرائیل مدافعه ناظرلیینین یایدیغی بیرگه بیانات‌دا بیلدیریلیب.

بو قوروملارین معلوماتینا گؤره، بهروز سابرقون ۲۰۲۶-جی ایلین یانوار آیین‌دان بری اسلام رسپوبلیکاسی ایله علاقه ساخلاییب و اونا حواله ائدیله‌ن فعالیتلرین اکثریتی اسلام رسپوبلیکاسی ایله سون محاربه زمانی حیاتا کئچیریلیب.

"سابرقون محاربه زمانی اسلام رسپوبلیکاسینا "عملیات اوغورلاری" قازانماغا و اسرائیله قارشی مقصدلرینی ایرلی‌له‌تمه‌یه کمک ائتمه‌یه چالیشیب"،- اسرائیلین بو قوروملارین بیرگه بیاناتیندا دئییلیر.

بیاناتا گؤره، او، اولجه "نرمال ایش تکلیفی" ایله ایشه گؤتورولوب، آنجاق باشقا طرفین اسلام رسپوبلیکاسی آگنتی اولدوغونو باشا دوشدوکدن سونرا امکداشلیغا داوام ائدیب.

اسرائیل رسمیلری بیلدیریبلر کی، سابرقونا ایرانین ائندیردیی راکت ضربه‌لرینین یئرلرینی قیده آلماق و گؤندرمک، تل-اویوده‌کی آزریل قوله‌لرینین کووردیناتلارینی الده ائتمک، حایفا لیمانینین شکلینی گؤندرمک و اسرائیلین شمالین‌داکی حساس تهلوکه‌سیزلیک اوبیکتینین شکلینی چکمک کیمی میسیالار حواله ائدیلیب.