چینین شرق ساحللرینه یاخینلاشان "باوی" قایسرغاسی ایله علاقه‌دار اؤلکه‌ده ۱،۸ میلیون‌دان چوخ انسان تهلوکه‌سیز اراضیلره تخلییه اولونوب.

Axar.az خبر وئریر کی، قاسیرغا ژاپونون جنوبونداکی ساکیشیما آدالارینا گوجلو یاغیش و شدتلی کولکله تأثیر گؤستردیک‌دن، همچینین تایوانین شمالی یاخینلیغیندان کئچدیک‌دن سونرا چینین بؤیوک شهرلریندن اولان ونچژوو استقامتینده حرکت ائدیر.

متورولوگلارین معلوماتینا گؤره، "باوی" گئتدیکجه ضعیفله‌ییر و سرعتی آزالیر. بونونلا بئله، قاسیرغا هله ده جدی تهلوکه یارادیر. بونا سبب اونون داشیدیغی بؤیوک حجم‌ده رطوبت و گئنیش یاغیش زولاقلاری‌دیر. بیلدیریلیر کی، قاسیرغانین یاغیش بولودلاری اؤلچو باخیمیندان تخمیناً فرانسه اراضی‌سی قدردیر.

یئرلی حاکمیت اورگانلاری ممکن داشقینلار، تورپاق سوروشمه‌لری و گوجلو کولکلرله باغلی اهالییه خبردارلیق ائدیب.