تورکیه‌لی مشهور موغه‌ننی و خیریه‌چی هالوک لونت رهبرلیک ائتدیی "آهباپ" درنیینه قارشی آپاریلان گئنیش‌مقیاسلی استنطاق چرچیوه‌سینده بورسادا ساخلانیلیب.

Axar.az خبر وئریر کی، استانبول باش پروکورورلوغو طرفیندن اداره اولونان بو آراشدیرما چرچیوه‌سینده اونون موافق پروسدورلار اوچون استانبولا آپاریلاجاغی بیلدیریلیر.

استانبول پلیسینین مالیه جنایتلری ایله مبارزه شعبه‌سی طرفیندن کئچیریله‌ن عملیاتدا صنعتچییه قارشی بیر نئچه آغیر مادده - درنکلر حاقیندا قانونون طلبلرینی پوزما، جنایت یولو ایله الده ائدیلمیش املاکی لگاللاشدیرما (چیرکلی پوللارین یویولماسی)، جنایتکار شبکه‌یه عضو اولما - ایر‌لی سورولوب.

پروکورورلوق درنیین فعالیتینی، توپلانان ایانه‌لری، کیبرتهلوکه‌سیزلیک و بوتون مالیه پروسسلرینی چوخ‌شاخه‌لی شکلده یوخلاییر.

ساخلانیلما قراری درنکله باغلی توپلانمیش رسمی دلیللر و ایفاده‌لر اساسیندا قبول ائدیلیب.

هالوک لونتین ساخلانیلماسی حادثه‌سی تورکیه مطبوعاتلاریندا اولدوقجا سس-کویلو، گئنیش‌مقیاسلی اتهاملار و قارشیلیقلی بیاناتلارلا ایشیقلاندیریلیب. صنعتچینین ایشی ایله باغلی هم حقوقی دوسینین شوک دتاللاری، هم صنعتچینین ایلک رئاکسیاسی، هم ده حادثه‌نین سیاسی پرده‌آرخاسی مذاکره اولونور.

ادعایا گؤره، هالوک لونت ۲۰۲۰-۲۰۲۶-جی ایللر آراسیندا اؤزونه باغلی حسابلار اوزریندن ۹۹۰ میلیون لیره‌لیک قانونی/قانونسوز مرج اویناییب و بونون ۳۹۰ میلیون لیره‌سینی ایتیریب. همچنین "آهباپ" درنیینین حسابیندان صنعتچینین آسیستنتی یلیز کایانین حسابینا ۱۲۰ میلیون ت.ل کؤچورولدویو ایر‌لی سورولور.

بیلدیریلیر کی، صنعتچی باره‌سینده چیخاریلان اؤلکه‌دن چیخیش قاداغاسینی اؤیرندیکدن سونرا استانبول هوا لیمانیندان گئری قاییتمالی اولوب. او، پلانینی دییشه‌رک یالووا اوزریندن بورسادا بیر تیر پارکینا گئدیب و پلیس گروپلاری طرفیندن محض اورادا ساخلانیلیب.

یارانمیش گوندمله باغلی هالوک لونت سوسیال مدیا حسابیندا پایلاشیم ائد‌رک، ماراقلی آچیقلاما وئریب:

"منیم شخصی بورج-آلاجاق مناسبتلریمی "آهباپ" درنه‌یی ایله علاقه‌لندیرمه‌یه چالیشیرلار. داخلی ایشلر ناظیرلیینه مراجعت ائد‌رک درنیین تعجیلی تفتیش اولونماسینی اؤزوم ایستمیشه‌م. اصل بمبانی گؤزله‌یین. یاخیندا ائدجه‌ییم آچیقلامالاردا بو پروسسین بورا نئجه گتیریلدیینی گؤرجک و حیرتلر ایچینده قالاجاقسینیز".