چین ولادیمیر پوتیندن سونراکی دوره حاضیرلاشاراق گله‌جکده روسیانین اداره ائدیلمه‌سینده مهم رول اوینایا بیله‌جک سیاسی و اقتصادی الیتا نماینده‌لری ایله علاقه‌لرینی گوجلندیریر.

Axar.az خبر وئریر کی، بو باره‌ده "وال استریت ژورنال" آنالیتیکلره، دیپلوماتلارا و وضعیتله تانیش منبعلره استنادن معلومات یاییب.

نشرین معلوماتینا گؤره، پکین حاکمیت دییشیکلییندن آسیلی اولمایاراق روسیاداکی تأثیرینی قوروماغا چالیشیر. منبعلرین فکرینجه، پوتینین فورمالاشدیردیغی آنتی-غرب سیاسی کورسو اونون حاکمیتدن گئتمه‌سیندن سونرا دا داوام ائد‌جک. بونا گؤره چین آرتیق ایندیدن گله‌جکده اؤلکه‌نین اداره اولونماسیندا رول اوینایا بیله‌جک شخصلرله مناسبتلر قورور.

ژورنال یازیر کی، سون ایللر روسیا حاکمیتی چین کشفیاتینین فعالیتینین آرتماسی ایله داها تئز-تئز اوزلشسه ده، مسکوا پکینله مناسبتلری کورلاماماق اوچون بو حاللاری اجتماعیلشدیرمه‌مه‌یه اوستونلوک وئریر.

نشر قید ائدیر کی، "حدودسوز طرفداشلیق" باره‌ده بیاناتلارا باخمایاراق، مسکوا ایله پکین آراسیندا جدی فکر آیریلیقلاری دا قالیر.

معلوماتا گؤره، چین روسیانین "سیبیرین گوجو-۲" گاز کمری لاییحه‌سی اوزره سازش امضالاماق تکلیفینی قبول ائتمه‌ییب. پکین گازین روسیانین داخلی بازارینا یاخین قیمتلرله ساتیلماسینی طلب ائدیب.

بوندان باشقا، چین مسکوانین شانخای امکداشلیق تشکیلاتینین انکشاف بانکیندا اساس حسابلاشما والیوتاسی کیمی چین یوانیندان استفاده اولونماسینا راضیلیق وئرمه‌سینی تامین ائدیب.

وال استریت ژورنالین معلوماتینا اساساً، پکین ولادیمیر پوتینین شمالی کورئیا لیدرینین اشتراکی ایله اوچ‌طرفلی ساممیت کئچیرمک تکلیفینی دستکله‌مه‌ییب. همچنین چین طرفی پوتینین پکینه سفردن درحال سونرا پخنیانا گئتمه‌سینین مقصده اویغون اولمادیغینی بیلدیریب. نتیجه‌ده روسیا پرزیدنتینین مارشروتونا ویتناما سفر ده علاوه ائدیلیب کی، بو دا "آوتوریتار دولتلر اوخو" گؤرونتوسونون یارانماسینین قارشیسینی آلماغا حسابلانیب.