ایرانین سیستان و بلوچستان ایالتینین خاش شهرینده نامعلوم شخصلرین سلاحلی هجومو نتیجه‌سینده ۱ نفر اؤلوب، ایکی نفر ایسه یارالانیب.

Axar.az خبر وئریر کی، بو باره‌ده بلوچستان انسان حقوقلارینی سندلشدیرمه شبکه‌سی معلومات یاییب.

معلوماتا گؤره، اؤتن گون شهرین خمینی خسته‌خاناسینین قارشی‌سیندا باش وئرن هجوم زمانی افغانیستان وطنداشی اولان سنی دین خادمی مولوی رحمت‌الله همت خیل هلاک اولوب، اونون ایکی یاخین قوهومو ایسه آغیر یارالی وضعیتده خسته‌خانایا چاتدیریلیب.

دین خادیمینین ۳۰ ایلدیر ایراندا یاشایان قاچقین اولدوغو بیلدیریلیب.

بونونلا یاناشی ایالتین ایرانشهر رایونونون شهردراز کندینده ده نامعلوم سلاحلیلار محمد نسیم چتر انبرین آدلی شخصین ائوینه باسقین ائدیبلر.

حادثه نتیجه‌سینده آدی چکیله‌ن شخص هلاک اولوب، ۱۵ یاشلی پدرام چتر انبرین و علی هاشمی آدلی باشقا بیر شخص ایسه یارالانیب.

هجومون مسئولیتینی هئچ بیر گروپلاشما اؤز اوزرینه گؤتورمه‌ییب.