ک.ت.م.ت-نین مکانیزمی قاراباغ اطرافینداکی مناقشه زمانی ایشه سالینا بیلمزدی، چونکی ارمنستان بو اراضینی نه اؤز اراضی‌سینین بیر حصه‌سی، نه ده مستقل دولت کیمی تانیییردی.

Axar.az خبر وئریر کی، بونو روسیا خارجی ایشلر ناظرلیینین رسمی نماینده‌سی مارییا زاخارووا «قواردیسک» گنجلر فوروموندا چیخیشی زمانی دئییب.

«ارمنستانلا باغلی بئله بیر وضعیت یارانمیشدی. تخمیناً بئله دئییردیلر: «گلین، ک.ت.م.ت مکانیزمینی ایشه سالاق». اما ماهیت اعتباریله صحبت کیمه و نیه مناسبت‌دن گئدیردی؟ صحبت ارمنستانین اؤزونون نه اؤز اراضی‌سی، نه ده مستقل دولت کیمی تانیدیغی قاراباغدان گئدیردی»، - او بیلدیریب.

زاخارووا قید ائدیب کی، بئله شرایط‌ده ک.ت.م.ت-نین کالکتیو تهلوکه‌سیزلیک مکانیزمینین تطبیقی ممکن دئییلدی.