آمریکانین و ناتو طرفیندن دستکلنه‌ن افغانستان اوردوسونون کئچمیش کوماندیری سمیع ساداتین رهبرلیک ائتدیی "بیرلشمیش افغانیستان جبهه‌سی" آدلی سلاحلی گروپ طالبان رژیمه قارشی حربی عملیاتا باشلاییب.

Axar.az خبر وئریر کی، سادات آچیقلاماسین‌دا "افغانیستانی آزاد ائتمک و حکومتی خالقا قایتارماق" مقصدی ایله یارادیلان حربی گروپلاشمانین طالبان رهبرلیینی و عضولرینی هدف آلاجاغینی بیلدیریب. او، همچینین بین‌الخالق حرب قانونلارینا صادق اولدوقلارینی دا بیان ائدیب.

سمیع ساداتین ۲۰۲۱-جی ایلده طالبان حاکمیتی اله کئچیردیکدن سونرا بؤیوک بریتانیایا کؤچدویو بیلدیریلیر.

پولیتولوگ حیدر اوغوز قید ائدیب کی، طالبان علیهینه دیگر سلاحلی گروپلار دا سون گونلرده فعالیتلرینی آرتیریبلار:

"افغانیستان آزادلیق جبهه‌سی" تخمیناً ۱۰ گوندور کی، بدخشان ایالتینین زباک رایونوندا طالبانلا توققوشدوغو و بعضی اراضیلره نظارتی اله کئچیردیینی ادعا ائدیب.

"افغانیستان ملی مقاومت جبهه‌سی" آدلی گروپ دا سون گونلرده بدخشان و هرات‌دا اسلام امیرلییی قوه‌لرینه قارشی هجوملار حیاتا کئچیردیینی، یئنی یارانان "انقلاب کئشیک‌چیلری جبهه‌سی" ایسه بدخشان ایالتینین یافتال پایین رایونونو قیسا مدته نظارته گؤتوردویونو ادعا ائدیب».