آمریکا پرزیدنتی دونالد ترامپ اجنبیلرین اؤلکه‌ده دوغولان اوشاقلارینا آوتوماتیک وطنداشلیق وئریلمه‌سی قایداسینی محدودلاشدیرماق مقصدیله ایکی یئنی سرانجامی امضالاییب.

Axar.az خبر وئریر کی، بو باره‌ده خارجی مطبوعات معلومات یاییب.

معلوماتا گؤره، یئنی قرارلار بعضی اجنبیلرین اوشاقلارینا، ائلجه ده «دوغوم توریزمی» ایله باغلی حاللارا تطبیق اولونماسی نظرده توتولان محدودیتلری احاطه ائدیر.

ترامپ دوغوملا وطنداشلیغین وئریلمه‌سینی کؤله‌لیک دورونون قالیغی آدلاندیریب:

"بیز بو تجروبه‌یه سون قویوروق".

قید ائدک کی، آمریکا کونستیتوسیاسینین ۱۴-جو دوزلیشی اؤلکه‌ده دوغولان شخصلره وطنداشلیق حقوقو وئریر و ترامپین بوندان اولکی محدودلاشدیرما جهدی محکمه طرفیندن دایاندیریلمیشدی.

یئنی سرانجاملارین قوه‌یه مینیب-مینمه‌یه‌جه‌یی قارشی‌داکی حقوقی پروسسلردن سونرا معین‌لشه‌جک.