اوکراینا حاکمیتی نیکبین وعدلر وئرمه‌یی دایاندیرمالی، قارشیداکی ایستیلیک موسومونده وطنداشلاری ممکن آغیر سیناقلار باره‌ده آچیق شکلده خبردار ائتمه‌لیدیر.

Axar.az خبر وئریر کی، بو باره‌ده اوکراینا عالی راداسینین ملت‌وکیلی سولومیا بوبرووسکا بیلدیریب.

او، اوکراینالیلاری آرخایینلاشدیریجی آچیقلامالارا امید ائتمه‌مه‌یه، اولجه‌دن اؤز تهلوکه‌سیزلیکلرینی تامین ائتمه‌یه و سویوق هوالارا معیشت باخیمیندان حاضیرلاشماغا چاغیریب.

ملت‌وکیلی همچنین وورغولاییب کی، انسانلار ریسکلری رئال قیمتلندیرمه‌لی و چتین شرایط‌ده ساغ قالماق اوچون کنکرت تدبیرلر گؤرمه‌لیدیرلر:

«جمعیته قیش باره‌ده حقیقتی دانیشماق لازم‌دیر، وعدلرله یولا وئرمک یوخ. حاضیرلاشین، احتیاطلارینیزی توپلایین، کی‌یفی ترک ائدین، اودون آلین».

اونون سؤزلرینه گؤره، وطنداشلار ضروری معیشت احتیاطلارینی اولجه‌دن توپلامالی، امکان داخیلینده ایسه موقتی اولاراق پایتاختدان چیخاراق یاشاییش اوچون داها الوئریشلی یئرلره گئتمه‌یی نظردن کئچیرمه‌لیدیرلر.