بریتانیانین اوچ هوا لیمانینین اپراتور بازاسینا گیره بیلن هاکرلر سیاستچیلرین، حاکملرین، مشهورلارین، مدافعه صنایعسی ایشچیلرینین و حربچیلرین شخصی معلوماتلارینی "دارکنت"ده درج ائدیبلر.

Axar.az خبر وئریر کی، بو باره‌ده "دیلی میل" معلومات یاییب.

نشرین معلوماتینا گؤره، هاکرلر همچنین بریتانیا داخلی ایشلر ناظیرلیینین بیر ایشچی‌سینین پلانلاشدیریلان اوچوش و یا یئردییشمه پلانلاری حاقیندا مخفی معلوماتلاری دا درج ائدیبلر: "بوندان علاوه، پارلامنت ایشچیلرینین، داخلی ایشلر ناظیرلیینین، اینگیلتره بانکینین ایشچیلرینین و حربچیلرین سیاحت قیدلری اجتماعیته آچیقلانیب".

خاطیرلاداق کی، بیر نئچه گون اؤنجه ده اوخشار حادثه باش وئرمیشدی. آوگوستون سونلارین‌دا "گاردیان" قزئتی مانچستر و شرقی میدلندس هوا لیمانلارینین، ائلجه ده لوندونون استانستد هوا لیمانینین کیبرهجوما معروض قالدیغینی یازمیشدی. همین واخت هاکرلر تخمیناً ۸،۷ میلیون موشترینین معلوماتلارینی اله کئچیره بیلمیشدی.