آمریکالی آنالیتیکلر روسییانین کوسموس‌دا تؤره‌ده بیلجه‌یی نووه پارتلاییشینین سیمولیاسییاسینی حیاتا کئچیریبلر. سسنارییه گؤره، بئله بیر پارتلاییش پیک اینفراستروکتورونا جدی زیان وورا بیلر.

Axar.az خبر وئریر کی، تدقیقاتین نتیجه‌لری «آمریکان فوریگن پولیسی کوونکیل» آنالیتیک مرکزینین حساباتیندا درج اولونوب.

سیمولیاسییا زامانی شرطی اولاراق روسییایا مخصوص «کوسموس-۲۵۶۷» پیکینین تخمیناً ۴۰۰ کیلومتر یوکسک‌لیک‌ده ۵۰۰ کیلوتون‌دان ۲ مگاتونا قدر گوجه مالیک نووه پارتلاییشی تؤره‌تدیی فرض ائدیلیب. نتیجه‌ده آمریکانین پئیک اینفراستروکتورونون گئنیش‌میقیاسلی شکیل‌ده سیرادان چیخماسی سسناری‌سی مدلله‌شدیریلیب.

تدقیقات مؤلفلری حساب ائدیرلر کی، روسییا «ایستارلینک» سیستمینه قارشی کوسموس‌دا نووه تهدیدین‌دن استفاده ائد‌رک واشینگتونو و یا “SpeysX”ی اوکراینایا گؤستریلن دسته‌یی محدودلاشدیرماغا مجبور ائتمه‌یه چالیشا بیلر.

مدئله اساساً، پارتلاییش نتیجه‌سینده یارانان رادیاسییا کمری بیر هفته عرضینده ۱۱ مینه یاخین پیکین سیرادان چیخماسینا سبب اولا بیلر.

حساباتا گؤره، آمریکانین اوربیت‌ده باش وئره‌جک نووه پارتلاییشینین نتیجه‌لرینی آرادان قالدیرماق اوچون حاضردا کیفایت قدر امکانلاری یوخدور. بونا گؤره ده تکلیف اولونان کونسپسییادا آمریکا کوسمیک کوماندان‌لیغینا مدافعه ناظرلییی ایله کوردیناسییا شرایطینده بیر ایل عرضین‌ده کوسموس‌داکی نووه تحدیدلرینه قارشی مبارزه پروگرامی حاضرلاماق و تطبیق ائتمک تاپشیریغینین وئریلمه‌سی نظرده توتولور.

روسییانین کوسموس‌داکی نووه قورغوسونون ضررسیزلشدیریلمه‌سی اوچون ممکن واریانتلار:

- کیبر واسطه‌لر؛

- لیزرلر؛

- رادیوالکترون مبارزه واسطه‌لری؛

- الکتروماقنیت سیقناللارینین بوغولماسی؛

- کینئتیک اله‌کئچیرمه.

«آمریکان فوریگن پولیسی کوونکیل»، همچینین نووه تهدیدلرینین کوسموس‌دا آشکار ائدیلمه‌سی و ضررسیزلشدیریلمه‌سی اوچون «گولدن دومه» کونسئپ‌سییاسینین امکانلارینین اویغونلاشدیریلماسینی نظردن کئچیرمیی تکلیف ائدیر.

سندده‌کی پراکتیکی توصیه‌لردن بیری ده نووه پارتلاییشی تهلوکه‌سی یاراناجاغی تقدیرده ایری کومرسییا پیک گروپلاشمالارینین اوربیت‌دن ائندیریلمه‌سی اوچون اولجه‌دن پلان حاضرلانماسی‌دیر.