ب‌ام‌ت-نین ایران اوزره خصوصی معروضه‌چیسی مای ساتو ایران‌دا اتنیک و دینی آزلیقلارا قارشی سیستم‌لی آیری-سئچکیلیین، رپرسسیالارین و اعداملارین کسکین شکیل‌ده آرتدیغینی و بونون ایران محکمه سیستمی داخیلینده ده باش وئردیینی بیلدیریب.

Axar.az خبر وئریر کی، بو باره‌ده خصوصی معروضه‌چی اوکتبرین ۱-ده یایدیغی حسابات‌دا دئییلیب.

ساتو، تورکلرین، کوردلرین، بلوچلارین، عربلرین و تورکمن‌لرین وضعیتینه توخوناراق، اونلارین دیل، اقتصادی و سوسیال آیری-سئچکی‌لیک، ائلجه ده بعضی دولت خدمتلرینه چیخیشلارینین محدودلوغو باره‌ده دانیشیب.

ساتو، ایران‌دا اتنیک و دینی آزلیقلارین، خصوصاً ده اؤلوم جزاسینا سبب اولان ایشلرده عدالتلی محکمه پروسسینه چیخیشیندا اوزله‌شدیکلری چوخسایلی مانعه‌لردن ناراحات‌لیغینی ایفاده ائدیب.

خصوصی معروضه‌چی‌نین سؤزلرینه گؤره، عدلیه سیستمی‌نین مختلیف مرحله‌لرین‌ده، حبس و دیندیرمه‌دن توتموش محکمه و اؤلوم حکملرینه قدر آزلیقلارا قارشی آیری-سئچکی‌لیک مشاهده ائدیلیر.

او، دیگر مسئله‌لرله یاناشی، آدکوات ترجومه‌چیلرین اولماماسی، اعترافلارین آلینماسی اوچون اشگنجه وئریلمه‌سی و تهلوکه‌سیزلیک ایشلرینده شخصلرین وکیللره لازیمی چیخیش اولمادان محاکیمه اولونماسی کیمی مسئله‌لری ده قید ائدیب.