رجب طیب اردوغان منه تورکییه‌نین ناتو-دان آیریلما احتیمالینین اولدوغونو سؤیله‌دی.

آخار . آذ خبر وئریر کی، بونو روسییا-۱ تئلئویزییاسین‌دا یاییملانان «پویئدینوک» پروگرامیندا چیخیشی زامانی روسییا لیبئرال دئموکرات پارتییاسینین صدری ولادیمیر ژیرینووسکی سؤیله‌ییب. تورکلرین شرفلی میللت اولدوغونو بیلدیره‌ن ژیرینووسکی اردوغانین آرتیق آوروُپا بیرلییینین وعده لرین‌دن بئزدیینی دئییب:

«رئاللیقلارا باخماق لازیم‌دیر. بیر اؤلکه‌نین خاریجی سیاستینی پرئزیدئنت موعیینلشدیریر. بیز اوزون مدت موباحیثه ائده بیلریک، اما ان سوندا قراری پرئزیدئنت وئریر. اردوغانلا گؤروشوم زامانی بو سؤزلری ائشیتدیم. اردوغان شانخای امکداش‌لیق تشکیلاتینا گیرمک اوچون بیزه دفعه‌لرله مراجعت ائدیب. اوسته‌لیک، او، منیمله گؤروشو زامانی تورکییه‌نین ناتو-دان آیریلما احتیمالینین اولدوغونو دا بیلدیردی. تورکییه ایله اوزون ایللر ساواشمیشیق، اما بو گون شرایط دییشیب. اردوغان آرتیق آوروپانین تورکییه‌نی نه واخت اؤز سیرالارینا قبول ائده جیینی گؤزله‌مکدن یورولوب. تورکلر شرفلی خالق‌دیر. تورکلر آرتیق «آوروپا بیرلیینی ایسته میریک» دئییر. تورکییه بیزیمله دوست اولماق ایستییر. تورکییه همچینین روسییا ایله حربی-مدافعه مسئله‌لرین‌ده ده ایش گؤرمک ایستییر. بو، اؤنم‌لی آددیم‌دیر. اونا گؤره کی، تورکییه ناتو اؤلکه‌سی‌دیر. بیز دئمیریک کی، تورکییه ناتو-دان آیریلاجاق. ناتو اؤزو تورکییه‌نی سیرالارین‌دان چیخاراجاق. آنکارا بیزیمله حربی مسئله‌لرده راضیلاشسا، آلیانس بئله بیر قرار وئره‌جک. تورکلرله ایش بیرلیینی ایتیرمه مه لییک. یالنیز تورکلر طبیعی گاز کمریمیزی اینشا ائتمه ییمیزه ایزن وئردیلر. اونلارلا یاخینلاشماغیمیز قازاخیستان، اؤزبکیستان، قیرغیزیستان، تورکمنیستان و آذربایجانی دا ممنون ائد‌ه جک».